telanagana
సేవలను అభినందించిన సీపీ అంబర్ కిషోర్ ఝా - హోంగార్డు వెంకటికి ఘన సన్మానం
సూర్య, లక్షెట్టిపేట :మంచిర్యాల జిల్లా రామగుండం పోలీస్ కమిషనరేట్ కార్యాలయంలో హోంగార్డు లక్షెట్టిపేట గ్రామానికి చెందిన వెంకటి ఉద్యోగ విరమణ సందర్భంగా ప్రత్యేక వీడ్కోలు కార్యక్రమం నిర్వహించారు. ఈ కార్యక్రమానికి రామగుండం పోలీస్ కమిషనర్ అంబర్ కిషోర్ ఝా ముఖ్య అతిథిగా హాజరై, పదవీ విరమణ పొందిన హోంగార్డు వెంకటిని శాలువాతో సత్కరించి జ్ఞాపికను అందజేశారు. ఈ సందర్భంగా కమిషనర్ మాట్లాడుతూ.. పోలీస్ శాఖలో విధులు నిర్వహిస్తూ వెంకటి అందించిన సేవలు అభినందనీయమని కొనియాడారు. ఉద్యోగ బాధ్యతలను అంకితభావంతో నిర్వర్తిస్తూ శాఖకు ఎంతో సేవ చేశారని తెలిపారు. పదవీ విరమణ అనంతరం కుటుంబ సభ్యులతో సుఖసంతోషాలతో గడపాలని ఆకాంక్షించారు. పోలీస్ శాఖలో పనిచేసే ప్రతి ఉద్యోగి సేవలు ఎంతో విలువైనవని, విధి నిర్వహణలో నిబద్ధతతో పనిచేసిన వారిని శాఖ ఎప్పటికీ గుర్తుంచుకుంటుందని అధికారులు పేర్కొన్నారు. ఈ కార్యక్రమంలో రామగుండం పోలీస్ కమిషనరేట్ అధికారులు, సిబ్బంది, హోంగార్డు వెంకటి కుటుంబ సభ్యులు పాల్గొన్నారు.
