బుచ్చిలో వైసీపీ మైనారిటీలకు పెద్దపీట.. చైర్ పర్సన్ గా షేక్ షకీలా బేగం..

  వైసీపీలోనే మైనారిటీలకు గౌరవం..  గతంలో వైఎస్ జగన్ హయాంలో మైనారిటీలకు నామినేటెడ్ పదవులు, నాలుగు శాతం రిజర్వేషన్లు, ఇమామ్-మౌజమ్ లకు గౌరవ వేతనం ఇచ్చి ఆదుకున్న చరిత్ర వైసీపీది. అదే సంప్రదాయాన్ని కొనసాగిస్తూ, 36 వేలకు పైగా ఓటర్లు ఉన్న బుచ్చి మున్సిపాలిటీ వంటి ప్రతిష్టాత్మక పీఠాన్ని ఒక మైనారిటీ మహిళకు కట్టబెట్టడం పార్టీకి మైనారిటీలపై ఉన్న చిత్తశుద్ధికి నిదర్శనమని ప్రసన్న అన్నారు.  "మైనారిటీలను కేవలం ఓటు బ్యాంకుగా చూసే పార్టీలు ఒకవైపు.. అధికారంలో భాగస్వామ్యం చేసే పార్టీ వైసీపీ మరోవైపు. షకీలా లాంటి సామాన్య మైనారిటీ మహిళను చైర్ పర్సన్ చేయడం ద్వారా ప్రతి మైనారిటీ కుటుంబానికి గౌరవం ఇచ్చినట్లే" అని మాజీ మంత్రి నల్లపరెడ్డి వ్యాఖ్యానించారు.

బుచ్చిలో మైనారిటీల ఏకపక్ష మద్దతు..   షకీలా అభ్యర్థిత్వంతో బుచ్చిరెడ్డిపాలెం పట్టణంలోని 8,000 పైగా ఉన్న మైనారిటీ ఓటర్లు ఏకమవుతున్నారని వైసీపీ శ్రేణులు చెబుతున్నాయి. బీసీ మహిళా రిజర్వేషన్లు అత్యధికంగా ఉన్న ఈ మున్సిపాలిటీలో మైనారిటీ + బీసీ + ఎస్సీ కలయిక వైసీపీకి తిరుగులేని విజయాన్ని అందిస్తుందని ధీమా వ్యక్తం చేస్తున్నారు.  మొత్తానికి.. ఎన్నికల ముసాయిదా విడుదలైన 24 గంటల్లోనే మైనారిటీ మహిళకు పట్టం కట్టి వైసీపీ సంచలనానికి తెరలేపింది. ఈ కార్యక్రమంలో వైసీపీ మున్సిపాలిటీ ఎన్నికల పర్యవేక్షణ కమిటీ సభ్యులు షేక్ షాహుల్, గొల్లపల్లి విజయ్ కుమార్, పచ్చిపాల రాధాకృష్ణారెడ్డి, కొండూరు అనిల్ బాబు, కొండూరు వెంకట సుబ్బారెడ్డి, కోడూరు మధుసూదన్ రెడ్డి, కొండూరు వెంకటసుబ్బారెడ్డి, మవులూరు శ్రీనివాసులురెడ్డి, చెర్లో సతీష్ రెడ్డి, బట్టేపాటి నరేందర్ రెడ్డి, అత్తిపల్లి అనూప్ రెడ్డి, కాటంరెడ్డి నవీన్ రెడ్డి, బట్టా విల్సన్, యానాద్ రెడ్డి తదితరులు పాల్గొన్నారు.