కాశీబుగ్గ డీఎస్పీగా జీవీ రమణ బాధ్యతల స్వీకరణ.
పలాస, సూర్య : కాశీబుగ్గ డీఎస్పీగా జీవీ రమణ సోమవారం బాధ్యతలు స్వీకరించారు. ఇప్పటి వరకు ఇక్కడ పనిచేసిన భవాని కడపకు బదిలీ అయ్యారు.నెల్లూరు జిల్లా ఎస్బీలో పనిచేస్తున్న జీవీ రమణ కాశీబుగ్గకు బదిలీపై వచ్చారు. గతంలో శ్రీకాకుళం ఎస్బీ, మెళియాపుట్టి, కాశీబుగ్గ ఎస్సైగా, సోంపేట, ఇచ్ఛాపురం సీఐగా ఆయన పనిచేశారు.బాధ్యతలు స్వీకరించిన అనంతరం పలాసలోని టీడీపీ కార్యాలయంలో ఎమ్మెల్యే గౌతు శిరీషను మర్యాదపూర్వకంగా కలిశారు. ఈ సందర్భంగా ఎమ్మెల్యే మాట్లాడుతూ జంట పట్టణాలతో పాటు డివిజన్ పరిధిలో శాంతిభద్రతలకు ప్రాధాన్యత ఇవ్వాలని, ఫ్రెండ్లీ పోలీసింగ్ అమలు చేయాలని సూచించారు. గంజాయి, మాదకద్రవ్యాల రవాణా, ఇసుక మాఫియాపై ఉక్కుపాదం మోపాలని, మహిళల భద్రత, ట్రాఫిక్ క్రమబద్ధీకరణపై దృష్టి పెట్టాలని ఆదేశించారు.అనంతరం నూతన డీఎస్పీకి ఎమ్మెల్యే శిరీష శుభాకాంక్షలు తెలిపారు.
రిపోర్టర్ : విశ్వేశ్వర, పలాస, శ్రీకాకుళం జిల్లా.
