సేవా సంపర్క్ అభియాన్ ఆధ్వర్యంలో అంగన్వాడీ టీచర్ల సన్మానం..

కుల్కచర్ల, మేజర్ న్యూస్ (సెప్టెంబర్ 30):సేవా సంపర్క్ అభియాన్‌లో భాగంగా కుల్కచర్ల మండలంలోని చెల్లాపూర్ గ్రామ అంగన్వాడీ కేంద్రంలో అంగన్వాడీ టీచర్లను ఘనంగా సన్మానించారు. భారత ప్రధానమంత్రి నరేంద్ర మోదీ జన్మదినాన్ని పురస్కరించుకుని, ఆయన ప్రజాసేవకు కృతజ్ఞతగా నిర్వహిస్తున్న సేవా కార్యక్రమాల్లో భాగంగా ఈ కార్యక్రమాన్ని చేపట్టారు. సేవా సంపర్క్ అభియాన్ మండల కన్వీనర్ మల్లేష్ ఆధ్వర్యంలో నిర్వహించిన కార్యక్రమంలో అంగన్వాడీ టీచర్లు శకుంతలమ్మ, రాములమ్మలను సన్మానించారు. ఈ సందర్భంగా బీజేపీ నాయకులు మాట్లాడుతూ.. గ్రామీణ ప్రాంతాల్లో అంగన్వాడీ టీచర్లు చిన్నారులకు విద్య, ఆరోగ్యం, పౌష్టికాహారం అందించడంతో పాటు గర్భిణీలు, బాలింతలకు ఆరోగ్యం, పౌష్టికాహారంపై అవగాహన కల్పిస్తూ అందిస్తున్న సేవలు అభినందనీయమని అన్నారు. ఈ కార్యక్రమంలో బీజేపీ కుల్కచర్ల మండల ఉపాధ్యక్షుడు కొండ ఆంజనేయులు, ఎస్సీ మోర్చా మండల అధ్యక్షుడు బెందూర్ ఆంజనేయులు, మాజీ ఉపసర్పంచ్ పర్వతపురం వెంకటయ్య, కొండ వెంకటేష్ తదితరులు పాల్గొన్నారు.