telanagana
సీఎంఆర్‌ఎఫ్‌ చెక్కును అందజేసిన ప్రభుత్వ విప్, ఎమ్మెల్యే వేముల వీరేశం
కట్టంగూర్: నల్లగొండ జిల్లా కట్టంగూర్ మండలం రామచంద్రపురం గ్రామానికి చెందిన సున్నపు నిర్మల అనారోగ్యంతో బాధపడుతుండటంతో, ఆమె వైద్య ఖర్చుల నిమిత్తం ముఖ్యమంత్రి సహాయ నిధి (సీఎంఆర్‌ఎఫ్‌) నుంచి రూ.2 లక్షల ఆర్థిక సాయం మంజూరైంది.
ఈ మేరకు మంజూరైన ఆర్థిక సాయానికి సంబంధించిన చెక్కును ప్రభుత్వ విప్, నకిరేకల్ ఎమ్మెల్యే వేముల వీరేశం ఆదివారం తన నివాసంలో నిర్మలకు అందజేశారు. ఈ సందర్భంగా బాధిత కుటుంబానికి అన్ని విధాలా అండగా ఉంటామని ఎమ్మెల్యే హామీ ఇచ్చారు. అనారోగ్యంతో ఇబ్బందులు పడుతున్న వారికి వైద్య ఖర్చుల విషయంలో ముఖ్యమంత్రి సహాయ నిధి ఎంతో ఉపయోగపడుతుందని పేర్కొన్నారు.
