సర్వీసు రోడ్డు నిర్మాణం చేపట్టాలని కోరుతూ గ్రామస్తులు జాతీయ రహదారి 563పై ధర్నా

సూర్య మానకొండూరు: కరీంనగర్ జిల్లా మానకొండూరు మండలంలోని ఈదులగట్టేపల్లి గ్రామానికిసర్వీసు రోడ్డు నిర్మాణం చేపట్టాలని కోరుతూ గ్రామస్తులు జాతీయ రహదారి 563పై ధర్నా  కార్యక్రమం చేపట్టారు సుమారు గంటపాటు చేసిన ధర్నాతో ఇరువైపుల వాహనాలు ఆగిపోయాయి సమాచారం తెలుసుకున్న కరీంనగర్ రూరల్ ఏసీబీ విజయకుమార్ స్థానిక సీఐ శ్రీలత ఎస్సై తిరుపతి పోలీస్ సిబ్బంది సంఘటన స్థలానికి చేరుకొని ఆందోళన విరమింపజేయాలని కోరారు. కలెక్టర్ జాతీయ రహదారి అధికారులు కాంట్రాక్టర్ వచ్చేంతవరకు ధర్నాను విరమించేది లేదని కూర్చున్నారు అనంతరం తహశీల్దార్ విజయకుమార్ సంఘటన స్థలానికి చేరుకొని ఆందోళనకారులతో చర్చించారు. అనంతరం మాజీ ఎంపీ బోయిన్పల్లి వినోద్ కుమార్ ధర్నా చేపడుతున్న గ్రామస్తులతో చర్చించి అండర్పాస్
పాటు సర్వీస్ రోడ్ నిర్మాణానికి సంబంధిత అధికారులతో చర్చించి నిర్మాణం అయ్యేలా సహకరిస్తానని గ్రామస్తులకు హామీ ఇచ్చారు. అనంతరం గ్రామ సర్పంచ్ మీసా సత్యనారాయణ మాట్లాడుతూ మానకొండూరు మండలం గట్టెపల్లి గ్రామానికి ఎన్‌హెచ్ 563 నేషనల్ హైవే అథారిటీ వారు ఎలాంటి సర్వీసు రోడ్డు ఇవ్వకుండా తీవ్ర ఇబ్బందులకు గురిచేస్తున్నారని గ్రామ సర్పంచ్ సత్యనారాయణ ఆవేదన వ్యక్తం చేశారు. రాత్రి సమయాల్లో దొంగల్లా వచ్చి, ఏసీబీ ఆధ్వర్యంలో వంద మంది పోలీసులతో రాత్రి 12 గంటలకు వచ్చి ఉదయం 4 గంటల లోపే రోడ్డును పూర్తి చేసుకున్నారని తెలిపారు.గ్రామానికి ఎలాంటి సర్వీసు రోడ్డు ఇవ్వకపోవడంతో పాటు కనెక్టివిటీ కూడా లేదని, దీనివల్ల రైతులు, ఉద్యోగస్తులు, ప్రైవేట్ ఉద్యోగులు, కూలీలు, మహిళలు ఆస్పత్రులకు వెళ్లడానికి, పిల్లలు చదువుకోవడానికి తీవ్ర ఇబ్బందులు పడుతున్నారని సర్పంచ్  పేర్కొన్నారు.గత ఆరు నెలలుగా సరైన రోడ్డు లేక రాంగ్ సైడ్ నుంచి రావాల్సి వస్తోందని, దీనివల్ల తరచూ యాక్సిడెంట్లు అవుతూ తీవ్ర అసౌకర్యానికి గురవుతున్నామని సర్పంచ్ సత్యనారాయణ తెలిపారు. ఈ ధర్నాలనో గ్రామస్థులు పెద్ద ఎత్తున పాల్గొన్నారు...