విధి నిర్వహణలో ప్రతిభ.. రూరల్ పోలీసులకు ప్రశంసా పత్రాలు

సూర్య కరీంనగర్: విధి నిర్వహణలో ప్రతిభ కనబరిచిన కరీంనగర్ రూరల్ పోలీస్ స్టేషన్‌కు చెందిన పోలీసు అధికారులు, సిబ్బందికి పోలీస్ కమిషనర్ గౌష్ ఆలం ప్రశంసా పత్రాలు అందజేశారు. కరీంనగర్ పోలీస్ కమిషనరేట్ కార్యాలయ ఆవరణలో సోమవారం నిర్వహించిన సమీక్షా కార్యక్రమంలో ఎస్‌ఐ ఎ. లక్ష్మారెడ్డి, కానిస్టేబుళ్లు రవి, అంజయ్య, సాగర్, మహిళా కానిస్టేబుల్ కీర్తనలను ఆయన అభినందించారు.

 విధి నిర్వహణలో అంకితభావం, బాధ్యతాయుత పనితీరు, ప్రజలకు మెరుగైన పోలీస్ సేవలు అందించడంలో చూపిన నిబద్ధతను గుర్తించి ప్రశంసా పత్రాలు అందజేశారు. ఈ సందర్భంగా కరీంనగర్ రూరల్ పోలీస్ స్టేషన్ ఇన్‌స్పెక్టర్ ఎ. నిరంజన్ రెడ్డి ప్రశంసా పత్రాలు అందుకున్న సిబ్బందిని అభినందించారు. భవిష్యత్తులోనూ ఇదే స్ఫూర్తితో విధులు నిర్వహిస్తూ ప్రజలకు మరింత మెరుగైన సేవలు అందించాలని ఆకాంక్షించారు.