94వ ఎయిర్ఫోర్స్ దినోత్సవం మాజీ సైనికుల సంక్షేమానికి అండగా ఉంటాం.......ఎమ్మెల్యే ధూళిపాళ్ళ

పొన్నూరు పట్టణం ఇటుకంపాడు రోడ్ లోని  పొన్నూరు ఎక్స్-సర్వీస్‌మెన్ వెల్ఫేర్ సొసైటీ ఆధ్వర్యంలో 94వ ఎయిర్‌ఫోర్స్ దినోత్సవం ఘనంగా నిర్వహించారు. ఈ కార్యక్రమనికి   ముఖ్యఅతిథిగా  ఎమ్మెల్యే ధూళిపాళ్ళ నరేంద్ర కుమార్  పాల్గొన్నారు. ముందుగా దేశ రక్షణ కోసం ప్రాణాలర్పించిన అమరవీరులకు నివాళులర్పించారు
ఈ సందర్భంగా ఎమ్మెల్యే నరేంద్ర కుమార్  మాట్లాడుతూ దేశ రక్షణ కోసం తమ జీవితాలను అంకితం చేసిన మాజీ సైనికులకు వారి కుటుంబాలకు సేవ చేయడం తమ బాధ్యతగా భావిస్తున్నామని తెలిపారు.
మాజీ సైనికుల పెన్షన్లు, ప్రభుత్వ సంక్షేమ పథకాలు, ఇతర సమస్యల పరిష్కారానికి తన వంతు సహకారం ఎల్లప్పుడూ ఉంటుందని హామీ ఇచ్చారు.సామాజిక సేవా కార్యక్రమాల్లో పొన్నూరు ఎక్స్-సర్వీస్‌మెన్ వెల్ఫేర్ సొసైటీ చురుగ్గా పాల్గొనడం అభినందనీయమన్నారు.
మాజీ సైనికుల అభ్యర్థన మేరకు పొన్నూరులోని టిడ్కో ఇళ్ల సమీపంలో ఆర్మీ రన్ క్యాంటీన్ ఏర్పాటుకు స్థలం కేటాయించేందుకు చర్యలు తీసుకున్నామని, ఈ సందర్భంగా అంగీకార పత్రాలను అందజేసినట్లు వెల్లడించారుతొలుత మూడేళ్లపాటు స్థలం కేటాయించి అనంతరం దీర్ఘకాలిక లీజు కోసం ప్రభుత్వానికి ప్రతిపాదనలు పంపిస్తామని తెలిపారు ఈ క్యాంటీన్ పొన్నూరు పరిసర ప్రాంతాలతో పాటు బాపట్ల ప్రాంత మాజీ సైనికులకు కూడాఉపయోగపడుతుందని పేర్కొన్నారుపట్టణ అభివృద్ధిలో మాజీ సైనికులు భాగస్వాములు కావాలని తమసమస్యలను తన దృష్టికి తీసుకువస్తే పరిష్కారానికి కృషి చేస్తానని ఎమ్మెల్యే భరోసా ఇచ్చారు.ఈ కార్యక్రమంలో విశిష్ట సేవా పథక గ్రహీత వైస్ అడ్మిరల్ సుభానీ  కల్నల్ రమేష్  మున్సిపల్ కమిషనర్  ఎం.రమేష్  బాబు మాజీ సైనికులు సొసైటీ ప్రతినిధులు తదితరులు భారీ ఎత్తున పాల్గొన్నారు.

పొన్నూరు నేటి దినపత్రిక సూర్య రిపోర్టర్ :-శిలార్