RTI అవగాహన సదస్సుకు సమాచార కమిషనర్లకు ఆహ్వానం

తెలంగాణ రాష్ట్ర సమాచార కమిషనర్లను కలిసిన సమాచార హక్కు చట్టం సాధన కమిటీ 
సమాచార హక్కు చట్టం సాధన కమిటీ ఆధ్వర్యంలో అక్టోబర్ 7న హైదరాబాద్‌లోని రవీంద్రభారతిలో నిర్వహించనున్న “RTI Act–2005 ఆవిర్భావ దినోత్సవం & అవగాహన సదస్సు”కు తెలంగాణ రాష్ట్ర సమాచార కమిషనర్లను ఆహ్వానించారు.

కమిటీ జాతీయ చైర్మన్ డాక్టర్ చంటి ముదిరాజ్ గారి ఆధ్వర్యంలో ప్రతినిధులు మంగళవారం హైదరాబాద్‌లోని తెలంగాణ రాష్ట్ర సమాచార కమిషన్ కార్యాలయాన్ని సందర్శించి రాష్ట్ర సమాచార కమిషనర్లను మర్యాదపూర్వకంగా కలిశారు. ఈ సందర్భంగా అక్టోబర్ 7న నిర్వహించనున్న కార్యక్రమం ఉద్దేశాలు, కార్యక్రమ ప్రణాళిక మరియు ప్రజల్లో RTI Act–2005పై అవగాహన పెంపొందించేందుకు చేపడుతున్న కార్యక్రమాల గురించి వివరించారు.

ఈ సందర్భంగా రాష్ట్ర సమాచార కమిషనర్ దేశాల భూపాల్, రాష్ట్ర సమాచార కమిషనర్ పి.వి. శ్రీనివాసరావు, రాష్ట్ర సమాచార కమిషనర్ మొహసినా పర్వీన్, రాష్ట్ర సమాచార కమిషనర్ బోరెడ్డి అయోధ్య రెడ్డి, రాష్ట్ర సమాచార కమిషనర్ మెర్ల వైష్ణవి లను కలిసి అధికారిక ఆహ్వాన పత్రాలను అందజేశారు.

RTI Act–2005 ద్వారా ప్రజలకు తమ సమాచార హక్కుపై అవగాహన కల్పించడం, ప్రభుత్వ వ్యవస్థల్లో పారదర్శకత, జవాబుదారీతనం పెంపొందించడం, ప్రజలు తమ హక్కులను చట్టబద్ధంగా వినియోగించుకునేలా చైతన్యం కల్పించడం సదస్సు ప్రధాన ఉద్దేశ్యమని కమిటీ ప్రతినిధులు తెలిపారు.

అక్టోబర్ 7న నిర్వహించనున్న సదస్సులో జాతీయ, రాష్ట్ర, జిల్లా, మండల, నియోజకవర్గ, గ్రామ స్థాయి ప్రతినిధులు, RTI కార్యకర్తలు, ప్రజా ప్రతినిధులు, విద్యావేత్తలు, సామాజిక సంస్థల ప్రతినిధులు పాల్గొననున్నట్లు తెలిపారు. RTI చట్టం అమలు, ప్రజల భాగస్వామ్యం, సమాచార హక్కు వినియోగంపై అవగాహన వంటి అంశాలపై కార్యక్రమంలో చర్చించనున్నట్లు పేర్కొన్నారు.

ఈ కార్యక్రమంలో తెలంగాణ రాష్ట్ర అధ్యక్షులు సూర స్రవంతి, జాతీయ ప్రధాన కార్యదర్శి మల్లం వెంకటేశం, రాష్ట్ర కార్యదర్శి రావుల నవీన్ కుమార్, రాష్ట్ర సహాయ కార్యదర్శి ఎ. శ్రీకాంత్ రెడ్డి, విజయ్ రామ్ సింగ్, సంగారెడ్డి జిల్లా కార్యదర్శి షాదుల్ తదితరులు పాల్గొన్నారు.