telanagana
రోడ్డు ప్రమాదంలోవ్యక్తి మృతి
సూర్య కరీంనగర్: కరీంనగర్ జిల్లా అలుగునూరు చౌరస్తా వద్ద జరిగిన రోడ్డు ప్రమాదంలో వీర్ల సదాలింగం (40) అనే వ్యక్తి మృతి చెందాడు. స్థానికుల కథనం ప్రకారం.. అలుగునూరు డివిజన్‌కు చెందిన సదాలింగం తన ఇంటి సమీపంలో రోడ్డు దాటుతుండగా హైదరాబాద్ వైపు వెళ్తున్న కారు వేగంగా వచ్చి ఢీకొట్టింది. ఈ ప్రమాదంలో ఆయన అక్కడికక్కడే మృతి చెందాడు. సమాచారం అందుకున్న పోలీసులు సంఘటనా స్థలానికి చేరుకుని మృతదేహాన్ని ప్రభుత్వ ఆసుపత్రికి తరలించారు. సదాలింగం మృతితో కుటుంబ సభ్యులు కన్నీరుమున్నీరుగా విలపించారు. ఈ ఘటనపై ఎల్‌ఎండీ ఎస్‌ఐ అర్జున్ కేసు నమోదు చేసి దర్యాప్తు చేస్తున్నట్లు తెలిపారు.
