ఎన్నికల ప్రవర్తన నియామవాళి పాటించని ఉద్యోగిపై చర్యలు

ప్రొద్దుటూరు మేజర్ న్యూస్: సామాజిక మధ్యమాలలో ప్రచారం అవుతున్న "ఇది ప్రొద్దుటూరు మున్సిపాలిటీనా? లేక తెలుగుదేశం పార్టీ కార్యాలయమా? అన్న అంశంపై అసిస్టెంట్ ఎలక్షన్ అథారిటీ మరయు ప్రొద్దుటూరు మున్సిపల్ కమీషనర్,  తూతిక శ్రీనివాస విశ్వనాధ్ తీవ్రంగా స్పందించారు. సమాచారం అందుకున్న కొన్ని నిమిషాలలోనే అసిస్టెంట్ కమీషనర్ మంజునాధ్ గౌడ్ ను విచారణ అధికారిగా కమీషనర్ నియమించి నివేదిక ఇమ్మని ఆదేశించారు. విచారణ అనంతరం ఎన్నికల ప్రవర్తన నియామవాళి  ఉల్లంఘించినట్లు రుజువైతే నిబంధనలు ప్రకారం చర్యలుంటాయని కమీషనర్ అన్నారు.

*ఉద్యోగం నుంచి తొలగింపు*

మోడల్ కోడ్ అఫ్ కండక్ట్ ఉల్లంగిస్తే ఎంతటి వారినైనా ఉపేక్షించేది లేదని కమీషనర్ తూతిక శ్రీనివాస విశ్వనాధ్ హెచ్చరించారు. ప్రొద్దుటూరులో మున్సిపల్ ఎన్నికలు పారదర్శకంగా, ప్రశాంత వాతావరణంలో జరగడానికి అన్ని చర్యలు చేపట్టమని కమీషనర్ అన్నారు. ప్రభుత్వ ఉద్యోగులు అక్రమాలకు పాల్పడిన, మోడల్ కోడ్ అఫ్ కండక్ట్ అతిక్రమించిన చర్యలు తీవ్రంగా ఉంటాయని హెచ్చరించారు. సహాయం కమిషనర్ ఇచ్చిన నివేదిక ఆధారంగా సదరు ఉద్యోగిపై చర్యలు ఉంటాయని; ఆపకాస్ ఉద్యోగి, కాంట్రాక్టు ఉద్యోగి అయితే నిబంధనలు మేరకు ఉద్యోగం నుంచి తొలగించడం జరుగుతుందని, ప్రభుత్వ ఉద్యోగి అయితే సిసిఏ రూల్స్ ప్రకారం, ఎన్నికల నిబంధనలు ప్రకారం చర్యలు తీసుకుంటామని కమీషనర్ అన్నారు. ప్రొద్దుటూరు పట్టణంలో మోడల్ కోడ్ అఫ్ కండక్ట్ సక్రమంగా అమలు జరిగేలా చర్యలు తీసుకోవాలని ఎంసిసి ఇంచార్జ్ అసిస్టెంట్ సిటీ ప్లానర్ కృష్ణ సింగ్ ను కమీషనర్ తూతిక శ్రీనివాస విశ్వనాధ్ ఆదేశించారు.

• షేక్ మహమ్మద్ రఫీ ప్రొద్దుటూరు వైఎస్సార్ కడప జిల్లా