రోడ్డు మరమ్మతులు ప్రారంభం.

.సూర్యరాజంపేట:రాజంపేట గ్రామంలోని ఊర చెరువు కట్టపై రోడ్డు గుంతల కారణంగా పొలాలకు వెళ్లేందుకు రైతులు తీవ్ర ఇబ్బందులు ఎదుర్కొంటున్నారు. వర్షాలు, రాకపోకలతో రోడ్డు దెబ్బతినడంతో వ్యవసాయ పనులకు వెళ్లడం కష్టంగా మారింది. ఈ సమస్యను పరిష్కరించేందుకు గ్రామ రైతులంతా ఐక్యంగా ముందుకు వచ్చి, తమ సొంత నిధులతో రోడ్డు మరమ్మతులు చేపట్టాలని నిర్ణయించారు. ఈ మేరకు గ్రామ సర్పంచ్ శ్రీకాంత్ రైతులకు అండగా నిలిచి, రోడ్డు గుంతలను పూడ్చేందుకు మొరం పనులను ప్రారంభించారు. రైతుల సహకారంతో రోడ్డు మరమ్మతులు చేపట్టడం పట్ల స్థానికులు హర్షం వ్యక్తం చేస్తున్నారు. పనులు పూర్తయితే పొలాలకు వెళ్లేందుకు రాకపోకలు సులభతరం కానున్నాయి.