ప్రభుత్వ ఉపాధ్యాయుడిపై పోక్సో కేసు నమోదు

సూర్య చందుర్తి: మండలంలోని బండపల్లి ప్రభుత్వ ఉన్నత పాఠశాలలో పనిచేస్తున్న ఓ ప్రభుత్వ ఉపాధ్యాయుడిపై పోక్సో చట్టం కింద కేసు నమోదైంది. చందుర్తి ఎస్సై రమేష్ తెలిపిన వివరాల ప్రకారం.. పాఠశాలలో చదువుతున్న విద్యార్థినికి సదరు ఉపాధ్యాయుడు వాట్సాప్‌ ద్వారా అసభ్యకరమైన సందేశాలు పంపడంతో పాటు ఫోన్‌ కాల్స్‌ ద్వారా వేధింపులకు గురిచేశాడని విద్యార్థిని తల్లిదండ్రులు పోలీసులకు ఫిర్యాదు చేశారు. తల్లిదండ్రుల ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై రమేష్ తెలిపారు.