పిల్లలు, వృద్ధుల సంరక్షణ కేంద్రాలను తనిఖీ చేసిన సీనియర్ సివిల్ జడ్జి

నారాయణపేట, సూర్య న్యూస్ : జిల్లా న్యాయ సేవా అధికార సంస్థ లీగల్ సర్వీసెస్ ఆసీనియర్ సివిల్ జడ్జి వింధ్యా నాయక్ ధ్వర్యంలో బుధవారం నారాయణపేట పట్టణంలోని బారంబావి సమీపంలోని బాలల, వృద్ధాశ్రమాలను లీగల్ సర్వీసెస్ కార్యదర్శి, సీనియర్ సివిల్ జడ్జి వింధ్యా నాయక్ సందర్శించారు. ఈ సందర్భంగా హాజరు పట్టిక,  ఆశ్రమాలలోని వసతులు, భోజన సదుపాయాలు, వైద్య సేవలు, పారిశుద్ధ్యం, సంక్షేమ పథకాల అమలు తీరును పరిశీలించారు. సిబ్బంది పనితీరుపై ఆరా తీశారు. ఆహార ధాన్యాల నాణ్యత, త్రాగు నీరు, పరిశుభ్రత, రిజిస్టరు, సీసీటీవీ పోటేగినిలను,  మూవ్మెంట్ రిజిస్టట్ తనిఖీ చేశారు. అనంతరం మాట్లాడుతూ.. స్టాక్ ప్రతి రోజు ఎంట్రీ చెయ్యాలనీ, సమయానికి అవసరమైన ఆరోగ్య పరీక్షలు చేయించి, మందులు ఇవ్వాలని ఆదేశించారు. పిల్లలు, వృద్ధులతో స్వయంగా మాట్లాడి వారి సమస్యలు తెలుసుకున్నారు. అదేవిధంగా సిబ్బందితో మాట్లాడుతూ చిల్డ్రన్స్ పై అన్ని విధాల 24 గంటలు అందుబాటులో ఉండి వాళ్లకి ఎలాంటి ఇబ్బంది కలగకుండా  సొంత ఇంటి వాళ్ళ మాదిరి  చూసుకోవాలని సూచించారు. ముఖ్యంగా వానాకాలం ఎలాంటి పరిస్థితుల్లో అయినా వృద్ధులు, చిన్నారులు బయటకు వెళ్ళనివ్వద్దని  సిబ్బందినీ ఆదేశించారు. ఈ సందర్భంగా వారికి బాలల స్నేహపూర్వక న్యాయ సేవల పథకం - 2024, (సీనియర్ సిటిజన్లకు న్యాయ సేవలు - 2016 సంబంధించిన పథకాల గురించి అవగాహన కల్పించారు. వృద్ధులకు ఉచిత న్యాయ సహాయం, ప్రభుత్వ సంక్షేమ పథకాలు, సదరం సర్టిఫికేట్లు మరియు బాలలకు వారి హక్కుల గురించి వివరించారు. ఈ కార్యక్రమంలో చీఫ్ లీగల్ టిఫిన్స్ కౌన్సిల్ కే లక్ష్మీపతి గౌడ్, పోలీస్ అధికారులు, సంబంధిత హోమ్ నిర్వాహకులు పాల్గొన్నారు.

-- *రాజేష్ కుమార్, సూర్య రిపోర్టర్, నారాయణపేట*