భీమిలిలో అభివృద్ధికి బాట..

పద్మనాభం మండలంలో 3 రోడ్లకు ఎమ్మెల్యే గంటా వర్చువల్ శంకుస్థాపన..

భారీగా హాజరైన టిడిపి పార్టీ శ్రేణులు..

ఆనందపురం, సెప్టెంబర్ 30,మేజర్ న్యూస్:

ఈరోజు 30-09-2026 వ తేదీన భీమిలి శాసనసభ్యులు గంటా శ్రీనివాసరావు  ఆధ్వర్యంలో ఆనందపురం మండల కాంప్లెక్స్ వద్ద పద్మనాభం మండలంలోని 3 ముఖ్యమైన రోడ్డు పనులకు వర్చువల్ గా శంకుస్థాపన కార్యక్రమం ఘనంగా జరిగింది.
ఈ 3 పనులకు మొత్తం రూ. 2 కోట్ల 23 లక్షల నిధులు మంజూరయ్యాయి.

శంకుస్థాపన చేసిన పనుల వివరాలు:

1. పొట్నూరు గ్రామం: గుల మజ్జివాని కల్లాలకు తారు రోడ్డు నిర్మాణం - రూ. 70 లక్షలు

2. పాండ్రంగి గ్రామం: సిడత గట్టు రోడ్డు నిర్మాణం - రూ. 73 లక్షలు

3. మద్ది గ్రామం: తునిపొలం రోడ్డు నిర్మాణం - రూ. 80 లక్షలు

ఆనందపురం మండల కాంప్లెక్స్ నుండి వర్చువల్ విధానంలో ఎమ్మెల్యే గంటా శ్రీనివాసరావు  ఈ పనులకు శంకుస్థాపన చేశారు. ఈ రోడ్ల నిర్మాణంతో ఆయా గ్రామాల రైతులకు, ప్రజలకు రాకపోకల సమస్య తీరడంతో పాటు, వ్యవసాయ ఉత్పత్తుల తరలింపు సులభం అవుతుందని ఆయన తెలిపారు.
ఈ కార్యక్రమానికి భీమిలి నియోజకవర్గ టీడీపీ ఇన్చార్జ్ చిక్కాల విజయ్ బాబు, టీడీపీ పద్మనాభం మండల అధ్యక్షులు కోరాడ రమణ, టీడీపీ మాజీ మండల అధ్యక్షులు కాళ్ళ నగేష్ కుమార్, పద్మనాభం మండల క్లస్టర్-1 మజ్జి నందీశ్వరరావు, కూటమి నాయకులు, పార్టీ కార్యకర్తలు, స్థానిక ప్రజలు పెద్ద సంఖ్యలో హాజరయ్యారు.