పీఏసీఎస్ అభివృద్ధికి రైతులు తోడ్పాటు అందించాలి

రైతులు తీసుకున్న రుణాలు సకాలంలో చెల్లించండి

యాచారం పిఎసిఎస్ చైర్మన్ తోటిరెడ్డి రాజేందర్ రెడ్డి
మాల్ లో సొసైటీ నూతన భవనం నిర్మాణం 
ఎమ్మెల్యే మల్ రెడ్డి రంగారెడ్డి భూమి పూజకు ఆహ్వానం

: యాచారం ప్రాథమిక వ్యవసాయ సహకార సంఘం అభివృద్ధికి, బలోపేతానికి రైతులు తోడ్పాటు అందించాలని పిఎసిఎస్ చైర్మన్ తోటిరెడ్డి రాజేందర్ రెడ్డి పేర్కొన్నారు. బుధవారం యాచారం పీఏసీఎస్ కార్యాలయంలో సంఘం పీఐసీ చైర్మన్ తోటిరెడ్డి రాజేందర్ రెడ్డి అధ్యక్షతన సర్వసభ్య సమావేశం నిర్వహించారు. ఈ సందర్భంగా ఆయన మాట్లాడుతూ... సంఘంలో రుణాలు తీసుకున్న రైతులు సకాలంలో వాయిదాలు చెల్లించాలని కోరారు. సహకార సంఘాల అభివృద్ధికి ప్రభుత్వాలు అందిస్తున్న సంక్షేమ పథకాలను సద్వినియోగం చేసుకుని, ప్రాథమిక సహకార సంఘం అభివృద్ధికి ప్రతి ఒక్కరూ పాటుపడాలన్నారు. రైతులకు కావల్సిన ఎరువులు, విత్తనాలు, అందుబాటులో ఉంచి, వారికి కావాల్సిన సహాయ సహకారాలు అందించాలని కోరారు. ప్రాథమిక సహకార సంఘం అభివృద్ధికి రైతులంతా సహకరించాలన్నారు. రైతుల సంక్షేమమే సహకార సంఘం యొక్క లక్ష్యమని అన్నారు. సహకార సంఘాల ఆర్థికాభివృద్ధికి రైతులు సహకరించాలని కోరారు. అంతకుముందు సంఘం సీఈవో నాగరాజు మాట్లాడుతూ.. బ్యాంక్ సర్వసభ్య సమావేశానికి సంబంధించిన అంశాలను రైతులకు చదివి వినిపించారు. సంఘం అభివృద్ధికి సంబంధించిన విషయాలను రైతులకు వెల్లడించారు. సంఘం అభివృద్ధికి కృషి చేయాల్సిన అవసరం ఉందన్నారు. ఈ సమావేశంలో పీఐసీ పాలకవర్గ సభ్యులు కొండ మధుకర్ రెడ్డి, అంబోజు లక్ష్మయ్య, కంబాలపల్లి మల్లారెడ్డి, గోరిగే ఐలయ్య, మక్కపల్లి స్వరూప, కొండాపురం కళమ్మ, మద్దెల శశికళ, మల్కీజ్ గూడ గ్రామ సర్పంచ్ డేరంగుల శంకర్, సంఘం సీఈవో నాగరాజు, రైతులు, సహకార సంఘం బ్యాంక్ సిబ్బంది, తదితరులు పాల్గొన్నారు.

కొండ్రు శివ రాములు : మేజర్ న్యూస్, యాచారం.