నీలం మధు ముదిరాజ్‌కు ఎమ్మెల్సీ పదవి ఇవ్వాలి
సూర్య బాల్కొండ: గవర్నర్ కోటాలో ముదిరాజ్ సామాజిక వర్గానికి చెందిన నీలం మధు ముదిరాజ్‌కు ఎమ్మెల్సీ పదవి కేటాయించి, గౌరవ శాసనమండలిలో ప్రాతినిధ్యం కల్పించాలని బాల్కొండ నియోజకవర్గ ముదిరాజ్ మహాసభ అధ్యక్షుడు జక్కం అశోక్ ముదిరాజ్ డిమాండ్ చేశారు. ముదిరాజ్ సామాజిక వర్గానికి తగిన రాజకీయ ప్రాధాన్యత కల్పించి, న్యాయం చేయాలని ఆయన ప్రభుత్వాన్ని కోరారు.
ఈ సందర్భంగా జక్కం అశోక్ ముదిరాజ్ మాట్లాడుతూ.. నీలం మధు ముదిరాజ్‌కు ఎమ్మెల్సీ పదవి కల్పించాలనే డిమాండ్‌కు ముదిరాజ్ సామాజిక వర్గ ప్రజలు, యువత మద్దతుగా నిలుస్తున్నారని తెలిపారు. రాష్ట్రంలో ముదిరాజ్ సామాజిక వర్గానికి తగిన రాజకీయ గుర్తింపు, ప్రాతినిధ్యం కల్పించాల్సిన అవసరం ఉందన్నారు.ఈ అంశంపై బాల్కొండ నియోజకవర్గంలోని ముదిరాజ్ యువత, వివిధ ముదిరాజ్ సంఘాల నాయకులతో చర్చించి, త్వరలో ముఖ్యమంత్రి రేవంత్ రెడ్డికి వినతిపత్రం అందజేయనున్నట్లు వెల్లడించారు. ప్రభుత్వం ఈ డిమాండ్‌ను సానుకూలంగా పరిశీలించి, ముదిరాజ్ సామాజిక వర్గానికి తగిన ప్రాధాన్యత కల్పించాలని పత్రికా ముఖంగా విజ్ఞప్తి చేశారు.నీలం మధు ముదిరాజ్ నాయకత్వంలో కాంగ్రెస్ పార్టీ అభివృద్ధికి, ప్రజా సంక్షేమ కార్యక్రమాల అమలుకు తన వంతు కృషి చేస్తానని జక్కం అశోక్ ముదిరాజ్ పేర్కొన్నారు. ముదిరాజ్ సామాజిక వర్గానికి రాజకీయంగా సముచిత స్థానం కల్పించేందుకు సంఘటితంగా ముందుకు సాగుతామని తెలిపారు.
