నాగిరెడ్డిపేటలో మాదక ద్రవ్యాలు, సైబర్ నేరాలపై ప్రజలకు అవగాహన.

సూర్య, నాగిరెడ్డి పేట్ : సైబర్ నేరాల పట్ల ప్రతి ఒక్కరూ అప్రమత్తంగా ఉండి సైబర్ నేరాలపై అవగాహన పెంచుకోవాలని పోలీస్ కళాబృందం ఇన్చార్జి హెడ్ కానిస్టేబుల్స్ రామంచ తిరుపతి,శేషరావు,లు  ప్రజలకు సూచించారు. జిల్లా ఎస్పీ రాజేష్ చంద్ర ఆదేశాల మేరకు నాగిరెడ్డిపేట ఎస్సై భార్గవ్ గౌడ్ చూచన మేరకు స్థానిక హెడ్ కానిస్టేబుల్ మదన్ ఆధ్వర్యంలో మంగళవారం నాగిరెడ్డిపేట మండల కేంద్రంలోని యూనియన్ బ్యాంక్లో మరియు బస్టాండ్ వద్ద పోలీస్ కళాబృందంచే సైబర్ నేరాలపై, మాదక ద్రవ్యాల నివార‌ణ‌పై , రోడ్డు ప్రమాదాలపై , మహిళల, బాలికల రక్షణే షీ టీం, లపై ప్రజలకు అవగాహన కార్యక్రమాన్ని నిర్వహించారు. ఈ సందర్భంగా పోలీస్ కళాబృందం సభ్యులు మాటలు, పాటల ద్వారా ప్రజలకు పలు అంశాలపై అవగాహన కల్పించారు. అనంతరం వారు మాట్లాడుతూ.. సైబర్‌ నేరాలు బాగా పెరిగాయని, ఆన్‌లైన్‌ మోసాలు ఎక్కువగా జరుగుతున్నాయన్నారు. సైబర్‌ మోసగాళ్ల ఉచ్చులో పడొద్దని సూచించారు. గుర్తు తెలియని వ్యక్తులకు ఓటీపీలు, బ్యాంకు వివరాలు, వ్యక్తిగత సమాచారాన్ని ఎట్టి పరిస్థితుల్లోనూ చెప్పవద్దన్నారు. ఆశ చూపిస్తే వాటికి ఆకర్షితులు కావొద్దన్నారు. సైబర్‌ మోసాలకు గురైతే వెంటనే టోల్‌ఫ్రీ నెంబర్‌ 1930 కి కాల్‌ చేయాలన్నారు. గంజాయి, ఇతర మాదక ద్రవ్యాలకు యువత దూరంగా ఉండాలని, మైనర్లు వాహనాలు నడపవద్దని సూచించారు. మద్యం సేవించి వాహనాలు నడపడం వల్ల జరిగే ప్రమాదాలపై ప్రజలను అప్రమత్తం చేశారు. ద్విచక్ర వాహనదారులు తప్పనిసరిగా హెల్మెట్ ధరించాలని సూచించారు. మహిళలు, బాలికలు ఎలాంటి సమస్య ఎదురైనా భయపడకుండా పోలీసులను, షీ టీంను సంప్రదించాలని సూచించారు. మహిళలు, బాలికలు వేధింపులకు గురైతే షీ టీం 8712686094 నంబర్ను సంప్రదించాలని, ఫిర్యాదుదారుల వివరాలను గోప్యంగా ఉంచుతామని తెలిపారు. ఈ కార్యక్రమంలో పోలీస్ కళాబృందం ఇన్‌చార్జి హెడ్ కానిస్టేబుళ్లు రామంచ తిరుపతి, యు. శేషారావు, కానిస్టేబుళ్లు సాయిలు, ప్రభాకర్, యూనియన్ బ్యాంక్ మేనేజర్ పవన్,బ్యాంక్ సిబ్బంది,నాగిరెడ్డిపేట హెడ్ కానిస్టేబుల్ M.మదన్, బ్లూ కోట్స్ PC.ధక్షణపూర్తి, HG.సాయి కుమార్, ఎల్లారెడ్డి షి టీమ్ PC.శ్రీశైలం,తదితరులు పాల్గొన్నారు. వివిధ ప్రాంతాల నుంచి వచ్చిన బ్యాంక్ కస్టమర్స్, ప్రయాణికులు కార్యక్రమాన్ని వీక్షించారు.