మేడిగడ్డ బ్యారేజీకి భారీ వరద ప్రవాహం

భూపాలపల్లి, సూర్య ప్రతినిధి : మేడిగడ్డ బ్యారేజీకి వరద ప్రవాహం కొనసాగుతోంది. ఎగువ ప్రాంతాల్లో కురుస్తున్న వర్షాలతో ప్రాణహిత, గోదావరి నదుల్లో వరద ఉద్ధృతి పెరిగింది. దీంతో మేడిగడ్డ బ్యారేజీ వద్దకు భారీగా వరద నీరు చేరుతోంది.

జాతీయ ఆనకట్టల భద్రతా సంస్థ ఆదేశాల మేరకు అధికారులు ఇప్పటికే బ్యారేజీకి చెందిన 85 గేట్లను ఎత్తి వరద నీటిని దిగువకు విడుదల చేస్తున్నారు. ప్రస్తుతం మేడిగడ్డ బ్యారేజీకి ఇన్‌ఫ్లో, ఔట్‌ఫ్లో 1,01,530 క్యూసెక్కులుగా నమోదైంది.

వరద ప్రవాహాన్ని అధికారులు నిరంతరం పర్యవేక్షిస్తున్నారు. దిగువ ప్రాంతాల ప్రజలు అప్రమత్తంగా ఉండాలని అధికారులు సూచిస్తున్నారు.