కలిగోట సూరమ్మ ప్రాజెక్టు ను సందర్శించిన బిజెపి కిమోరా అధికార ప్రతినిధి కోడిపల్లి

 సూర్య - కథలాపూర్ :కలిగోట సూరమ్మ ప్రాజెక్టు ను ఆదివారం బిజెపి కిసాన్ మోర్చా రాష్ట్ర అధికార ప్రతినిధి కోడిపల్లి గోపాల రెడ్డి సందర్శించారు.ఈ సందర్భంగా ఆయన మాట్లాడుతూ గత రెండున్నర సంవత్సరాల క్రితం పనులు మొదలై ఇప్పటివరకు 30 40% కూడ పనులు పూర్తి కాలేదని అన్నారు.18 నెలల్లోనే ప్రాజెక్టును పూర్తి చేసి రైతులకు కుడి-ఎడమ కాలువ ల ద్వారా సాగునీరు అందిస్తామని ప్రగల్భాలు పలికి ఇప్పటికీ పూర్తి కాకపోగా కాంట్రాక్టర్లు నాణ్యమైన పనిచేయక అద్వాన పరిస్తితి ఉందని పేర్కొన్నారు. గత రాత్రి హడావిడిగా ప్రాజెక్టు నుండి నీటిని తీసివేయడానికి ప్రయత్నం చేశారని తెలిసి రైతుల కోరిక మేరకు ప్రాజెక్టును సందర్శించడం జరిగిందని అన్నారు.సూరమ్మ ప్రాజెక్టు ను ఎప్పటిలోగా పూర్తి చేస్తారని    ప్రశ్నించారు.ఈ కార్యక్రమంలో బిజెపి మండల పార్టీ అధ్యక్షుడు మల్యాల మారుతి, బిజెపి నాయకులు కాషోజి ప్రతాప్, నారాయణ గౌడ్, ఆరే శివ కుమార్, రాంసింగ్, వినయ్ గౌడ్ తదితరులు ఉన్నారు.