ఇర్విన్ డిఎల్ఐ భూనిర్వాసిత రైతులకు న్యాయం చేయాలి
ఇర్విన్ డిఎల్ఐ భూనిర్వాసిత రైతులకు న్యాయం చేయాలి
పెరిగిన భూముల ధరలకు అనుగుణంగా పరిహారం చెల్లించాలని గ్రామసర్పంచ్ బావండ్లపల్లి కోటయ్య, మాజీ సర్పంచ్ రాజమోని పుష్పలతజంగయ్య యాదవ్ , కాంగ్రెస్ సీనియర్ నాయకులు సూధిని శ్రీనివాస్ రెడ్డిల ఆధ్వర్యంలో ఎమ్మెల్యే కసిరెడ్డికి భూనిర్వాసిత రైతుల వినతి
డిండి లిఫ్ట్ ఇరిగేషన్ పధకంలో భాగంగా ఇర్విన్ శివారులో పేద, మధ్యతరగతి వర్గాల రైతుల భూముల్లో నిర్మించతలపెట్టిన రిజర్వాయర్ ను ప్రభుత్వం తక్షణమే రద్దు చేయాలని, ఒకవేళ సాధ్యం కాని పక్షంలో పెరిగిన భూముల ధరలకు అనుగుణంగా రైతులకు భూ పరిహారం అందించేలా చూడాలని కోరుతూ ఆదివారం గ్రామసర్పంచ్ బావండ్లపల్లి కోటయ్య, మాజీ సర్పంచ్ రాజమోని పుష్పలత జంగయ్య యాదవ్ , కాంగ్రెస్ సీనియర్ నాయకులు సూధిని శ్రీనివాస్ రెడ్డి ల ఆధ్వర్యంలో ఎమ్మెల్యే కసిరెడ్డి నారాయణరెడ్డికి భూనిర్వాసిత రైతుల విన్నపించారు. ఈ సందర్భంగా తమకు ఉన్న ఎకరా, రెండెకరాల భూముల్లో రిజర్వాయర్ నిర్మిస్తే తమ కుటుంబాలు భూములు కోల్పోయి రోడ్డున పడతాయని, పెరిగిన భూముల ధరలను దృష్టిలో ఉంచుకొని రిజర్వాయర్ ముంపు భూములకు పరిహారం అందించేలా చర్యలు చేపట్టాలని వారు ఎమ్మెల్యే కు వివరించారు. ఈ సందర్భంగా రైతుల వినతిపై స్పందించిన ఎమ్మెల్యే విషయాన్ని ముఖ్యమంత్రి ఎనుముల రేవంత్ రెడ్డి దృష్టికి తీసుకెళ్ళి భూ నిర్వాసిత రైతులందరికి న్యాయం జరిగేలా చూస్తామని భరోసానిచ్చారు. ఈ కార్యక్రమంలో వార్డుసభ్యులు పల్లేటి రాములు, కడారి అల్లాజీ యాదవ్, మాజీ వార్డు సభ్యులు తుప్పలయ్య గౌడ్, నాయకులు కొప్పుల వెంకటయ్య గౌడ్, గుండె వెంకటయ్యగౌడ్, జార్జిరెడ్డి, బెల్లంకొండ రవి, , భూనిర్వాసిత రైతులు, నాయకులు కడారి కొండల్ యాదవ్ , పాలకుర్ల యాదయ్య , మాదాసు వెంకటయ్య, మల్లయ్య, గూడురు శ్రీశైలం, మల్లేష్ ,పందుల యాదయ్య ,శంకర్, కంచుకట్ల లక్ష్మయ్య తదితరులు పాల్గొన్నారు.
-------
-ఆర్.నర్సింహ్మ, మేజర్ న్యూస్ :మాడ్గుల
