telanagana
ఎమర్జెన్సీ డోర్ తెరిచేందుకు ప్రయాణికుడి యత్నం..శంషాబాద్‌ ఎయిర్‌పోర్టులో హై టెన్షన్‌:
హైదరాబాద్, సూర్య ప్రధాన ప్రతినిధి శంషాబాద్‌లోని రాజీవ్ గాంధీ అంతర్జాతీయ విమానాశ్రయంలో (RGIA) ఒక్కసారిగా తీవ్ర కలకలం రేగింది. శంషాబాద్‌ ఎయిర్‌పోర్ట్‌ నుంచి కడపకు బయలుదేరేందుకు సిద్ధమవుతున్న విమానంలో ఓ ప్రయాణికుడు తీవ్ర వీరంగం సృష్టించాడు. విమానం టేకాఫ్‌ అవుతున్న సమయంలో ఆ వ్యక్తి ఉన్నట్టుండి ఎమర్జెన్సీ డోర్‌ను తెరిచేందుకు ప్రయత్నించాడు.
దీంతో ప్రమాదాన్ని గ్రహించిన విమాన సిబ్బంది వెంటనే తీవ్రంగా అప్రమత్తమై ఆ వ్యక్తిని అడ్డుకున్నారు. ఒక్కసారిగా చోటుచేసుకున్న ఈ అనూహ్య పరిణామంతో విమానంలో ఉన్న ప్రయాణికులు తీవ్ర భయాందోళనకు గురయ్యారు. సిబ్బంది వెంటనే ఆ ప్రయాణికుడిని తమ అదుపులోకి తీసుకుని, ఆర్జీఐఏ పోలీసులకు అప్పగించారు. ఈ ఘటనపై పోలీసులు కేసు నమోదు చేసి, సదరు వ్యక్తి అలా ఎందుకు ప్రవర్తించాడనే కోణంలో విచారణ జరుపుతున్నారు.
