ఏలినో ప్రభావాన్ని అధిగమించే ప్రత్యామ్నాయ పంటలపై రైతులు మొగ్గు చూపాలి.

ఏలినో ప్రభావాన్ని అధిగమించే ప్రత్యామ్నాయ పంటలపై రైతులు మొగ్గు చూపాలి

కూరగాయల సాగుతో నిరంతర ఆదాయం

ఉద్యానవన వ్యవసాయ శాఖ సమన్వయంతో జిల్లాలో కూరగాయల సాగు చేస్తున్న రైతులకు ప్రోత్సాహకాలు.

పాలి హౌస్ ద్వారా కూరగాయలు సాగు చేస్తూ ఆదర్శంగా నిలుస్తున్న రైతు.

ఆధునిక సాగు విధానాలను యువ రైతులు ఆదర్శంగా నిలవాలి

ముత్రాజ్ పల్లి లో ఉద్యాన పంటల క్షేత్రాలను సందర్శించిన జిల్లా కలెక్టర్

మెదక్ జిల్లా కలెక్టర్ ప్రతిమా సింగ్

కౌడిపల్లి ; ఏలినో ప్రభావాన్ని అధిగమించే ప్రత్యామ్నాయ పంటలపై రైతులు మొగ్గు చూపాలని జిల్లా కలెక్టర్ ప్రతిమాసింగ్ రైతులకు సూచించారు.సోమవారం కౌడిపల్లి మండలం, ముత్రాజ్ పల్లి గ్రామంలో* ఉద్యాన శాఖ ఆధ్వర్యంలో చేపట్టినఎల్‌నినో ప్రభావాన్ని దృష్టిలో ఉంచుకుని సంప్రదాయ వరి సాగును వదిలి పాలీహౌస్ లో 20 గుంటలలో కూరగాయలను సాగు చేస్తున్నారు. జిల్లా కలెక్టర్ ప్రతిమాసింగ్  క్షేత్రస్థాయిలో పంటలను పరిశీలించారు.ముందుగా పాలీహౌస్ లో కీరా దోసకాయ సాగు చేస్తున్నగ్రామానికి చెందిన రైతు *కె. రవీందర్* కు చెందిన పాలీహౌస్ ను కలెక్టర్ సందర్శించారు. రైతుతో సాగు ఖర్చు, దిగుబడి, మార్కెటింగ్ మరియు వస్తున్న ఆదాయం గురించి కలెక్టర్ గారు అడిగి తెలుసుకున్నారు.
పాలీహౌస్లో కూరగాయల సాగు విధానంపై రైతు రవీందర్ కలెక్టర్ కు వివరిస్తూ రాష్ట్ర పథకం 2018-19 కింద ఏర్పాటు చేసిన ఈ పాలీహౌస్ లో ప్రస్తుతం యూరోపియన్  కీర దోసకాయ సాగు చేస్తున్నానని .  2000 చ.మీ పాలీహౌస్ లో 90 రోజులలో 25 నుండి 30 టన్నుల దిగుబడి వస్తుందని, పంటకు రూ. 7-8 లక్షల వరకు నికర లాభం వస్తుందని రైతు తెలిపారు. రైతును కలెక్టర్  అభినందించి, ఇలాంటి ఆధునిక సాగు విధానాలను యువ రైతులు ఆదర్శంగా తీసుకోవాలని
సూచించారు.అనంతరం ఆయిల్ పామ్ లో పరాగ ఎన్ఎంఈఓ- ఓపి  పథకం కింద సాగు చేస్తున్న ఆయిల్ పామ్ తోటలో *పరాగ సంపర్క పురుగులను (ఎలిడోబియస్ కామెరూనికస్) స్వయంగా కలెక్టర్ విడుదల చేశారు. ఈ పురుగుల వలన ఆయిల్ పామ్ లో పరాగ సంపర్కం సమర్థవంతంగా జరిగి, గెల బరువు మరియు దిగుబడి పెరుగుతుందని రైతులకు వివరించారు. ఆయిల్ ఫామ్ పంటను పరిశీలించి రైతులందరూ ప్రత్యామ్నాయ పంటలపై మొగ్గుచూపి అధిక ఆదాయం పొందాలన్నారు. ఎంఐడిహెచ్  పథకం కింద నిర్మించిన ఫామ్ పాండ్ (వ్యవసాయ కొలను)* ను పరిశీలించారు. వేసవిలో ఉద్యాన పంటలకు రక్షక తడులు అందించడానికి ఈ కొలను ఎంతగానో ఉపయోగపడుతుందని అధికారులు కలెక్టర్కు  వివరించారు.ఈ కార్యక్రమంలో  జిల్లా ఉద్యాన మరియు పట్టు పరిశ్రమ అధికారి ప్రతాప్ సింగ్, జిల్లా వ్యవసాయ అధికారి, దేవ్ కుమార్  ఉద్యాన విస్తరణ అధికారులు, లివ్ పామ్ సిబ్బంది మరియు రైతులు పాల్గొన్నారు.