దుద్దెడ శంభులింగేశ్వర క్షేత్ర కోనేరు పునర్నిర్మాణానికి సన్నాహాలు

* ఆలయాన్ని సందర్శించిన పీఠాధిపతి శ్రీశ్రీశ్రీ మాధవానంద సరస్వతి స్వామి.

* చారిత్రక సంపదను కాపాడుకోవడం భక్తుల బాధ్యత

ప్రసిద్ధ పుణ్యక్షేత్రమైన దుద్దెడ శ్రీ స్వయంభూ శంభులింగేశ్వర స్వామి దేవాలయాన్ని శ్రీ గురు మదనానంద సరస్వతి పీఠాధిపతి శ్రీశ్రీశ్రీ మాధవానంద సరస్వతి స్వామి ఆదివారం దర్శించుకున్నారు. ఇటీవల కురిసిన  వర్షాలకు ఆలయ కోనేరు ఉత్తర భాగం గోడ కూలి శిథిలావస్థకు చేరిన నేపథ్యంలో, కోనేరు పునరుద్ధరణ పనులపై క్షేత్రస్థాయి పరిశీలన జరిపి భక్తులకు, ట్రస్టు సభ్యులకు మార్గదర్శనం చేశారు.గ్రామస్తులు, స్థానిక నాయకులు, భక్తులు కలిసికట్టుగా నిర్ణయాలు తీసుకుంటూ త్వరితగతిన పనులు పూర్తి చేయాలన్నారు. ఈ బృహత్ పుణ్యకార్యానికి దాతలు, గ్రామస్తులందరూ విరాళాలు అందించి భాగస్వాములు కావాలని పిలుపునిచ్చారు. ఈ కార్యక్రమంలో శ్రీ స్వయంభూ శంభులింగేశ్వర సేవా సమితి ట్రస్ట్ చైర్మన్ మంచాల శ్రీనివాస్, ప్రధాన కార్యదర్శి అనంతుల నరేందర్, ప్రతినిధులు వడ్లకొండ శ్రీనివాస్, పెద్ది కుమారస్వామి, అమిరిశెట్టి వెంకటేశం,ఆరెపల్లి మహాదేవు గౌడ్, మంచాల చిన్న శ్రీనివాస్, గొల్లపల్లి రఘురామ శర్మలతో పాటు పెద్ద సంఖ్యలో గ్రామస్తులు, భక్తులు పాల్గొన్నారు

పాషా, సూర్య ప్రతినిధి