పర్యావరణ పరిరక్షణలో సేవలకు పుడమి నాయకులకు ప్రశంసలు పీఎంశ్రీ జెడ్పీహెచ్‌ఎస్‌ నేరేడుచర్ల విద్యార్థులకు ప్రశంసా పత్రాల ప్రదానం
పర్యావరణ పరిరక్షణలో సేవలకు పుడమి నాయకులకు ప్రశంసలు
పీఎంశ్రీ జెడ్పీహెచ్‌ఎస్‌ నేరేడుచర్ల విద్యార్థులకు ప్రశంసా పత్రాల ప్రదానం
నేరేడుచర్ల మేజర్ న్యూస్
పర్యావరణ పరిరక్షణలో భాగంగా చేపట్టిన కార్యక్రమాల్లో చురుకుగా పాల్గొని, భూమి సంరక్షణకు కృషి చేస్తున్న పుడమి నాయకులకు ప్రశంసా పత్రాలు అందజేశారు. కౌన్సిల్ ఫర్ గ్రీన్ రెవల్యూషన్ (సీజీఆర్), పాఠశాల విద్యాశాఖ ఆధ్వర్యంలో నిర్వహించిన పర్యావరణ కార్యక్రమాల్లో భాగంగా పీఎంశ్రీ జెడ్పీహెచ్‌ఎస్‌ నేరేడుచర్ల పాఠశాలకు చెందిన పుడమి నాయకులు ఈ ప్రశంసా పత్రాలను అందుకున్నారు.సీజీఆర్ వ్యవస్థాపకులు కె. లక్ష్మారెడ్డి, అధ్యక్షురాలు లీలా లక్ష్మారెడ్డి చేతుల మీదుగా విద్యార్థులకు ప్రశంసా పత్రాలు ప్రదానం చేశారు. పర్యావరణ పరిరక్షణపై విద్యార్థుల్లో అవగాహన పెంపొందించడంతో పాటు, ప్రకృతి సంరక్షణలో వారిని భాగస్వాములను చేయడం అభినందనీయమని ఈ సందర్భంగా పేర్కొన్నారు.
ఈ కార్యక్రమంలో పాఠశాల ప్రధానోపాధ్యాయులు బట్టు మధు, మెంటర్ టీచర్ యాదగిరి తదితరులు పాల్గొన్నారు.
