ఢిల్లీలో సీఎం రేవంత్ రెడ్డితో డీసీసీ అధ్యక్షుడు జాదవ్ ధారాసింగ్ నాయక్ భేటీ

వికారాబాద్ జిల్లా ప్రతినిధి, మేజర్ న్యూస్: ఢిల్లీలోని ముఖ్యమంత్రి నివాసంలో సీఎం రేవంత్ రెడ్డితో వికారాబాద్ జిల్లా డీసీసీ అధ్యక్షుడు జాదవ్ ధారాసింగ్ నాయక్ భేటీ అయ్యారు. ఈ సమావేశంలో టీపీసీసీ అధ్యక్షుడు బి. మహేష్ కుమార్ గౌడ్, మంత్రులు, ఎంపీలు, ఎమ్మెల్సీలు, డీసీసీ అధ్యక్షులు పాల్గొన్నారు. వికారాబాద్ జిల్లా ఎమ్మెల్యేలు టి. రామ్మోహన్ రెడ్డి, బుయ్యని మనోహర్ రెడ్డితో కలిసి జాదవ్ ధారాసింగ్ నాయక్ ఈ సమావేశానికి హాజరయ్యారు.ఈ సందర్భంగా రంగారెడ్డి–హైదరాబాద్–మహబూబ్‌నగర్ పట్టభద్రుల ఎమ్మెల్సీ ఎన్నికలను కాంగ్రెస్ పార్టీ ప్రతిష్టాత్మకంగా తీసుకోవాలని సీఎం రేవంత్ రెడ్డి నాయకులకు సూచించారు. ముఖ్యంగా వికారాబాద్ జిల్లాలో పట్టభద్రుల ఓటరు నమోదు ప్రక్రియపై ప్రత్యేక దృష్టి సారించాలని ఆదేశించారు. అర్హులైన పట్టభద్రులందరి పేర్లు ఓటరు జాబితాలో నమోదయ్యేలా క్షేత్రస్థాయిలో సమన్వయంతో పనిచేయాలని దిశానిర్దేశం చేశారు.పట్టభద్రుల ఓటరు నమోదు ప్రక్రియకు ప్రాధాన్యతనిస్తూ, అర్హులైన ప్రతి పట్టభద్రుడికి ఓటరుగా నమోదు చేసుకునే అవకాశం కల్పించాలని సీఎం సూచించారు. ఇందుకోసం పార్టీ నాయకులు, కార్యకర్తలు సమన్వయంతో పనిచేస్తూ, ఓటరు నమోదు కార్యక్రమాన్ని విజయవంతం చేయాలని పేర్కొన్నారు.