ఢిల్లీలో ముఖ్యమంత్రి రేవంత్ రెడ్డిని కలిసిన ఖానాపూర్ ఎమ్మెల్యే బొజ్జు పటేల్

సూర్య, జన్నారం : దేశ రాజధాని ఢిల్లీలో తెలంగాణ ముఖ్యమంత్రి రేవంత్ రెడ్డి తో పాటు పిసిసి అధ్యక్షులు మహేష్ కుమార్ గౌడ్ ను ఖానాపూర్ ఎమ్మెల్యే వెడ్మ బొజ్జు పటేల్ తోపాటు ఆసిఫాబాద్ నియోజకవర్గ ఇన్చార్జి అజ్మీర శ్యాం నాయక్, ఉమ్మడి ఆదిలాబాద్ జిల్లా ఎమ్మెల్సీ దండే విఠల్, ఆసిఫాబాద్ డిసిసి అధ్యక్షురాలు ఆత్రం సుగుణ, మంచిర్యాల డిసిసి రఘునాథ రెడ్డి తదితరులు మంగళవారం మర్యాదపూర్వకంగా పలు సమస్యలపై చర్చించారు. ఢిల్లీలోని ముఖ్యమంత్రి రేవంత్ రెడ్డి నివాసంలో ఆయా నియోజకవర్గాలలో ఉన్న సమస్యలను ఎమ్మెల్యేలతో పాటు పార్టీ అధ్యక్షులను అడిగి తెలుసుకున్నారు. ఖానాపూర్ ఎమ్మెల్యే వెడ్మ బొజ్జు పటేల్ మాత్రం ఖానాపూర్ నియోజకవర్గంలోని అనేక సమస్యలను ముఖ్యమంత్రి రేవంత్ రెడ్డి దృష్టికి తీసుకెళ్లినట్లు నాయకుల ద్వారా తెలిసింది. ఆయా నియోజకవర్గాల్లో ఏ సమస్యలున్నా వెనువెంటనే పరిష్కరించడానికి రేవంత్ రెడ్డి హామీ ఇచ్చినట్లు తెలిపారు. తెలంగాణ రాష్ట్ర రాజకీయాలు, పార్టీ వ్యవహారాలతో పాటు ఉమ్మడి ఆదిలాబాద్ జిల్లా పరిధిలోని రాజకీయ అంశాలపై రేవంత్ రెడ్డి వారితో చర్చించినట్లు సమాచారం.