బెజ్జుర్ ఎస్సైగా రమేష్ బాధ్యతల స్వీకరణ

సూర్య, బెజ్జుర్ : 

కొమురం భీమ్ ఆసిఫాబాద్ జిల్లా బెజ్జుర్ మండల నూతన ఎస్సైగా రమేష్ బాధ్యతలు స్వీకరించారు. గతంలో మంచిర్యాల పోలీస్‌స్టేషన్‌లో ఎస్సైగా విధులు నిర్వహించిన ఆయన బదిలీపై బెజ్జుర్‌కు వచ్చి బాధ్యతలు చేపట్టారు. ఈ సందర్భంగా ఎస్సై రమేష్ మాట్లాడుతూ మండలంలో శాంతిభద్రతల పరిరక్షణకు ప్రాధాన్యత ఇస్తామని తెలిపారు. ప్రజలకు అందుబాటులో ఉంటూ వారి సమస్యలను పరిష్కరించేందుకు కృషి చేస్తామని పేర్కొన్నారు. చట్టవ్యతిరేక కార్యకలాపాలకు పాల్పడితే కఠిన చర్యలు తీసుకుంటామని హెచ్చరించారు. మండల ప్రజలు పోలీసులకు సహకరించాలని కోరారు.