అర్హులైన ప్రతి ఒక్కరికీ స్మార్ట్ రేషన్ కార్డులు పంపిణీ:సర్పంచ్ బాలరాజ్ గౌడ్

మోమిన్ పేట్, మేజర్ న్యూస్: గ్రామంలో రేషన్ కార్డులు లేని అర్హులైన లబ్ధిదారులను గుర్తించి వారికి స్మార్ట్ రేషన్ కార్డులు పంపిణీ చేసినట్లు చక్రంపల్లి సర్పంచ్ బాలరాజ్ గౌడ్ తెలిపారు. మంగళవారం వికారాబాద్ జిల్లా మోమిన్ పేట్ మండల పరిధిలోని చక్రంపల్లి గ్రామంలో అర్హులైన లబ్ధిదారులకు స్మార్ట్ రేషన్ కార్డుల పంపిణీ కార్యక్రమాన్ని నిర్వహించారు.ఈ సందర్భంగా సర్పంచ్ బాలరాజ్ గౌడ్ మాట్లాడుతూ.. ప్రభుత్వ సంక్షేమ పథకాలు అర్హులైన ప్రతి ఒక్కరికీ అందేలా కృషి చేస్తానని తెలిపారు. గ్రామంలో అర్హులైన లబ్ధిదారులను గుర్తించి ప్రభుత్వ పథకాల ద్వారా వారికి లబ్ధి చేకూరేలా చర్యలు తీసుకుంటానని పేర్కొన్నారు. ప్రతి అర్హ కుటుంబానికి స్మార్ట్ రేషన్ కార్డు అందించాలనే లక్ష్యంతో ప్రభుత్వం చర్యలు చేపడుతోందని తెలిపారు. ప్రజలకు ప్రభుత్వ సంక్షేమ పథకాల ఫలాలు అందేలా ప్రజాప్రతినిధులు, అధికారులు సమన్వయంతో పనిచేయాలని సూచించారు.ఈ కార్యక్రమంలో పంచాయతీ కార్యదర్శి విక్రమ్ రెడ్డి, జీపీఓ ప్రభాకర్, ఉప సర్పంచ్ మల్లేశం, గ్రామ కాంగ్రెస్ పార్టీ అధ్యక్షుడు బాల్ రెడ్డి, ఎం. ప్రవీణ్ కుమార్, జి. నగేష్, పంచాయతీ సిబ్బంది, వార్డు సభ్యులు, లబ్ధిదారులు, గ్రామస్తులు తదితరులు పాల్గొన్నారు.

రిపోర్టర్:వడ్ల మాణిక్యం చారి, మోమిన్ పేట్, వికారాబాద్ జిల్లా.