అందుగులలో అంబారాన్నంటిన బతుకమ్మ సంబురాలు

మాడ్గుల మండలం అందుగుల గ్రామంలో శనివారం రాత్రి వరకు జరుపుకున్న బతుకమ్మ సంబురాలు అంబరాన్నంటాయి. ఈ సందర్బంగా గ్రామ మహిళలు రంగు రంగుల పూలతో అలంకరించిన బతుకమ్మలను గ్రామ ప్రధాన కూడలిలో ఉంచి తెలంగాణ సంప్రదాయ బతుకమ్మ పాటలు ఆలపిస్తూ మహిళలు , చిన్నారులు ఉత్సాహంగా ఆడి పాడి ఎంగిలిపూల బతుకమ్మ సంబురాలను ఘనంగా జరుపుకున్నారు. ఈ కార్యక్రమంలో గ్రామ మాజీ సర్పంచ్ అందుగుల జయలక్ష్మి రాజు, స్థానిక మహిళలతో కలిసి బతుకమ్మ ఉత్సవంలో పాల్గొన్నారు. రాత్రి పొద్దుపోయేవరకు సాగిన ఈ ఉత్సవాల అనంతరం గ్రామ సమీపంలోని వాగులో బతుకమ్మలను నిమర్జనం గావించారు.

-ఆర్. నర్సింహ్మ, మేజర్ న్యూస్: మాడ్గుల