రస్సెల్ బ్రాండ్ కేసులో ప్రారంభమైన జ్యూరీ విచారణ

బ్రిటిష్ నటుడు, కమెడియన్ రస్సెల్ బ్రాండ్‌  పై నమోదైన లైంగిక వేధింపులు, అత్యాచార ఆరోపణల విచారణ కేసు తుది దశకు చేరుకుంది. ఈ కేసులో లండన్ కోర్టులోని జ్యూరీ సభ్యులు తమ చర్చలను  ప్రారంభించారు. ఈ సందర్భంగా జ్యూరీ ప్రతినిధులు కేవలం ఏకగ్రీవ తీర్పును మాత్రమే కోర్టుకు సమర్పించాలని న్యాయమూర్తి స్పష్టమైన ఆదేశాలు ఇచ్చారు.

ఈ విచారణలో ఆరుగురు మహిళలు రస్సెల్ బ్రాండ్‌పై ఆరోపణలు చేయగా, ఆయన ప్రస్తుతం మూడు అత్యాచారం కేసులు, మూడు లైంగిక దాడి కేసులు మరియు ఒక యత్నించిన లైంగిక వేధింపుల కేసుతో సహా మొత్తం 7 కేసులను ఎదుర్కొంటున్నారు. 1999 నుండి 2009 మధ్యకాలంలో ఈ సంఘటనలు జరిగినట్లు పిటిషనర్లు పేర్కొన్నారు.

విచారణలో భాగంగా రస్సెల్ బ్రాండ్ తనపై వచ్చిన ఆరోపణలన్నింటినీ తీవ్రంగా ఖండించారు. తనపై మోపబడిన నేరాలన్నీ అబద్ధాలని, ఇరువైపులా సమ్మతి తోనే సంబంధాలు జరిగాయని ఆయన కోర్టులో వాదించారు.

ప్రస్తుతం జ్యూరీ సభ్యులు సాక్ష్యాధారాలను పరిశీలిస్తుండటంతో, త్వరలోనే ఈ సంచలనాత్మక కేసులో తుది తీర్పు వెలువడే అవకాశం ఉంది.