'ఐ యామ్ కాథలన్' హీరోయిన్ అనిష్మ ఆసక్తికర వ్యాఖ్యలు

మలయాళం, తమిళ చిత్రాల ద్వారా గుర్తింపు తెచ్చుకున్న నటి అనిష్మ అనిల్‌కుమార్  ప్రముఖ దర్శకుడు గిరీష్ ఏ.డి.  పై తనకున్న అభిమానాన్ని వ్యక్తం చేశారు. ఆయన దర్శకత్వం వహించిన సినిమాలు అంటే తనకు ఎంతో ఇష్టమని, అయితే ఒక సమయంలో ఆయనను నేరుగా కలిసి సినిమాలో అవకాశం అడగడానికి ఎంతో భయపడ్డానని ఆమె తెలిపారు.

తన తొలి చిత్రం 'పూవన్'  ఆడిషన్స్ సమయంలో దర్శకులు వినీత్ శ్రీనివాసన్, గిరీష్ ఏ.డి.లను ఒకే వేదికపై చూసినట్లు అనిష్మ గుర్తు చేసుకున్నారు. ఆ సమయంలోనే గిరీష్ వద్దకు వెళ్లి తన తదుపరి ప్రాజెక్ట్‌లో అవకాశం ఇవ్వమని అడగాలని అనుకున్నానని, కానీ భయం వల్ల అడగలేకపోయానని పేర్కొన్నారు.

ఆ తర్వాత గిరీష్ ఏ.డి. దర్శకత్వం వహించిన 'ఐ యామ్ కాథలన్'  సినిమా ఆడిషన్స్‌లో పాల్గొని కథానాయికగా ఎంపికయ్యారు. గిరీష్ సినిమాల్లో ఉండే కామెడీ టైమింగ్, అలాగే ఆయన రాసుకునే సాధారణ పాత్రల్లోని అభద్రతా భావాలు  ప్రేక్షకులను ఎంతో ఆకట్టుకుంటాయని ఆమె కొనియాడారు.

ప్రస్తుతం అనిష్మ అనిల్‌కుమార్ తమిళ, మలయాళ భాషల్లో పలు క్రేజీ ప్రాజెక్ట్‌లతో బిజీగా ఉన్నారు.