సన్నీ డియోల్ ‘సూర్య’ సినిమాపై సెన్సార్ బోర్డ్ క్లారిటీ.. ఇంకా సర్టిఫికేషన్ ఇవ్వలేదంటూ ప్రకటన

సూర్య ఎంటర్‌టైన్‌మెంట్ డెస్క్: బాలీవుడ్ ప్రముఖ నటుడు సన్నీ డియోల్ ప్రధాన పాత్రలో నటిస్తున్న తాజా చిత్రం 'సూర్య: అంత్ సే ఆరంభ్ తక్' సినిమా చుట్టూ వివాదం ముసురుకుంది. ఈ చిత్రంలో వైద్యుల చిత్రీకరణ మరియు వారి వృత్తిని తప్పుగా చూపించారంటూ ఇండియన్ మెడికల్ అసోసియేషన్ (ఐఎంఏ) తీవ్ర అభ్యంతరం వ్యక్తం చేస్తూ సెన్సార్ బోర్డును సమీక్ష కోరిన సంగతి తెలిసిందే. ఈ నేపథ్యంలో సెంట్రల్ బోర్డ్ ఆఫ్ ఫిల్మ్ సర్టిఫికేషన్ (సీబీఎఫ్‌సీ) స్పందిస్తూ కీలకమైన ప్రకటన విడుదల చేసింది. తమ పరిశీలన కోసం ఈ సినిమాను ఇప్పటివరకు నిర్మాతలు అధికారికంగా సర్టిఫికేషన్ నిమిత్తం సమర్పించలేదని బోర్డు స్పష్టం చేసింది.

సినిమాలో డాక్టర్ల పాత్రలను అప్రతిష్టపడేలా చూపించారనే ఆరోపణలతో వైద్య సంఘాలు ఆందోళన వ్యక్తం చేస్తున్న తరుణంలో సీబీఎఫ్‌సీ స్పందన ప్రాధాన్యం సంతరించుకుంది. సినిమా నిర్మాతలు సెన్సార్ సర్టిఫికేట్ కోసం దరఖాస్తు చేసుకున్న తర్వాతే నిబంధనల ప్రకారం చిత్రంలోని సన్నివేశాలను పరిశీలిస్తామని, అభ్యక్షతకరమైన అంశాలు ఉంటే తగిన చర్యలు తీసుకుంటామని బోర్డు అధికారులు తెలిపారు. అయితే ప్రస్తుతం ఈ సినిమా సెన్సార్ కార్యాలయానికి చేరలేదని స్పష్టం కావడంతో, చిత్ర యూనిట్ త్వరలోనే సర్టిఫికేషన్ కోసం దరఖాస్తు చేసే అవకాశం ఉన్నట్లు తెలుస్తోంది.

మరోవైపు సన్నీ డియోల్ నటిస్తున్న ఈ యాక్షన్ డ్రామా చిత్రంపై నెలకొన్న ఈ వివాదం బాలీవుడ్ వర్గాల్లో హాట్ టాపిక్‌గా మారింది. వైద్య వృత్తిని కించపరిచేలా ఎలాంటి సన్నివేశాలు ఉండకూడదని, సినిమా విడుదలకు ముందే ఐఎంఏ అభ్యంతరాలను పరిగణలోకి తీసుకుని మార్పులు చేయాలని వైద్యులు డిమాండ్ చేస్తున్నారు. ఈ వివాదంపై చిత్ర నిర్మాణ సంస్థ నుంచి ఇంకా అధికారిక స్పందన వెలువడాల్సి ఉంది. సెన్సార్ సర్టిఫికేషన్ ప్రక్రియ పూర్తికాకుండానే ఈ సినిమాపై వ్యతిరేకత వస్తుండటంతో మేకర్స్ ఎలాంటి నిర్ణయం తీసుకుంటారనేది వేచి చూడాలి.

Also Read: ఓటమికి కారణాలపై క్లారిటీ ఇచ్చిన మిచెల్ సాంట్నర్.. గాయంపై స్పష్ట