ముక్కామల కూటమి ఎంపీటీసీ నామినేషన్లకు భారీ ర్యాలీ

పెరవలి మేజర్ న్యూస్ :తూర్పుగోదావరి జిల్లా పెరవలి మండలం ముక్కామల గ్రామంలో స్థానిక సంస్థల ఎన్నికల సందడి ఊపందుకుంది. ఎంపీటీసీ ఎన్నికలు–2026 నామినేషన్ల ప్రక్రియలో భాగంగా అక్టోబర్ 22వ తేదీ గురువారం ముక్కామల గ్రామానికి చెందిన కూటమి ఎంపీటీసీ అభ్యర్థులు తమ నామినేషన్లను దాఖలు చేశారు.రాష్ట్ర పర్యాటక శాఖ మంత్రి కందుల దుర్గేశ్, రాష్ట్ర నైపుణ్యాభివృద్ధి సంస్థ చైర్మన్ బూరుగుపల్లి శేషారావు ఆశీస్సులతో ముక్కామల గ్రామంలోని రెండు ఎంపీటీసీ స్థానాలకు పోటీ చేస్తున్న కూటమి అభ్యర్థులు నామినేషన్లు దాఖలు చేసేందుకు భారీ ర్యాలీగా తరలివెళ్లారు.ముక్కామల గ్రామం నుంచి పెరవలి మండల ప్రజా పరిషత్ కార్యాలయం వరకు తెలుగుదేశం, జనసేన, భారతీయ జనతా పార్టీల నాయకులు, కార్యకర్తలు పెద్ద సంఖ్యలో పాల్గొంటూ ఉత్సాహభరితంగా ర్యాలీ నిర్వహించారు.నియోజకవర్గ స్థాయి ర్యాలీని తలపించేలా సాగిన ఈ నామినేషన్ కార్యక్రమం స్థానికంగా రాజకీయ సందడిని నెలకొల్పింది.మూడు పార్టీల నాయకులు, కార్యకర్తలు ఒకే వేదికపైకి వచ్చి తమ అభ్యర్థులకు మద్దతుగా నిలవడం కూటమి శ్రేణుల్లో ఐక్యతను ప్రతిబింబించింది.ముక్కామల గ్రామంలోని 2 ఎంపీటీసీ స్థానాలను ప్రతిష్ఠాత్మకంగా తీసుకున్న కూటమి నాయకత్వం, నామినేషన్ల సందర్భంగానే భారీగా కార్యకర్తలను సమీకరించడం రాజకీయంగా ప్రాధాన్యత సంతరించుకుంది.నామినేషన్ల ఘట్టంలోనే కూటమి శ్రేణులు ప్రదర్శించిన ఉత్సాహం, భారీ ర్యాలీ ముక్కామల గ్రామ రాజకీయాల్లో ప్రత్యేక ఆకర్షణగా నిలిచాయి.