జంగారెడ్డిగూడెంలో వైఎస్సార్సీపీ ఇంటింటా ప్రచారం
జంగారెడ్డిగూడెం-మేజర్ న్యూస్,జంగారెడ్డిగూడెం మున్సిపల్ ఎన్నికల నేపథ్యంలో వైఎస్సార్ కాంగ్రెస్ పార్టీ ఆధ్వర్యంలో గురువారం ఇందిరానగర్ కాలనీలో చింతలపూడి నియోజకవర్గ ఇన్‌చార్జి కంభం విజయరాజు, మచిలీపట్నం పార్లమెంట్ పరిశీలకులు, వైఎస్సార్సీపీ రాష్ట్ర కార్యదర్శి జెట్టి గురునాథరావు ఆధ్వర్యంలో పార్టీ నాయకులు, కార్యకర్తలు ప్రచారంలో పాల్గొన్నారు.
మున్సిపల్ చైర్‌పర్సన్ అభ్యర్థి మేక సత్యవతితో పాటు ఐదో వార్డు అభ్యర్థి పిండి రాము, ఆరో వార్డు అభ్యర్థి గుబ్బల మంగ, నాలుగో వార్డు అభ్యర్థి బండారు లక్ష్మణరావు గెలుపు కోసం ఫ్యాన్ గుర్తుకు ఓటు వేయాలని ఓటర్లను కోరారు.
ఇందిరానగర్ కాలనీ, వైఎస్సార్ కాలనీ, రామా డిస్టిలరీ ప్రాంతం, జెట్టి గురునాథరావు వీధి, వంగవారి వీధి, వినాయకుడి గుడి వీధి తదితర ప్రాంతాల్లో నాయకులు ఇంటింటికీ వెళ్లి ప్రచారం నిర్వహించారు.
ఈ కార్యక్రమంలో బీవీఆర్ చౌదరి, కర్పూరం గౌరయ్య గుప్తా, జెట్టి సత్య ఆదిత్య, ముప్పిడి శ్రీనివాసరావు, కుక్కల ధర్మరాజు, చలమాల శ్రీనివాసరావు, ఐజీ, చింత అనిల్, పంతగాని వెంకన్న, గూడపాటి రాధాకృష్ణ, షరీఫ్, మేక సింహాద్రి, మాకనబోయిన మురళి తదితరులు పాల్గొన్నారు.
