విద్యతో పాటు సేవలోనూ ఆదర్శం. జిల్లా ఉత్తమ ఉపాధ్యాయురాలు సంధ్యారాణికి ఘన సన్మానం.

పలాస, సెప్టెంబర్ 30, మేజర్ న్యూస్.

పిల్లలకు నాణ్యమైన విద్యను అందించడంతో పాటు సేవా కార్యక్రమాల్లో చురుకుగా పాల్గొంటున్న ఉపాధ్యాయురాలు టి. సంధ్యారాణికి జిల్లా ఉత్తమ ఉపాధ్యాయ అవార్డు దక్కడం గర్వకారణమని ఎంఈవో సీహెచ్. శ్రీనివాసరావు, టీడీపీ నాయకులు సైని వల్లభ కొనియాడారు.పలాస కాశీబుగ్గ పురపాలక సంఘ పరిధి,సూదికొండ మోడల్ ప్రైమరీ స్కూల్‌లో విధులు నిర్వర్తిస్తున్న సంధ్యారాణి ఇటీవల జిల్లా స్థాయి ఉత్తమ ఉపాధ్యాయ అవార్డును అందుకున్న విషయం తెలిసిందే.ఈ నేపథ్యంలో బుధవారం పాఠశాల ఆవరణలో స్థానికులు,తోటి ఉపాధ్యాయులు ఆమెకు ఘనంగా సన్మాన కార్యక్రమం నిర్వహించారు.

మరెన్నో ఉన్నత శిఖరాలు అధిరోహించాలి

ఈ సందర్భంగా వక్తలు మాట్లాడుతూ, సంధ్యారాణి నిబద్ధత,అంకితభావం ఇతర ఉపాధ్యాయులకు స్ఫూర్తిదాయకమన్నారు.భవిష్యత్తులో రాష్ట్ర స్థాయి,జాతీయ స్థాయి అవార్డులను కూడా సొంతం చేసుకొని మండలానికి మరింత పేరు తీసుకురావాలని ఆకాంక్షించారు.కార్యక్రమంలో ప్రధానోపాధ్యాయుడు ఎం.ఢిల్లీశ్వరరావు,ఉపాధ్యాయులు జోగ తిరుపతి,దాసరి చిన్నారావు, రేణుక, పద్మకుమారి, హేమలత, ఆశారాణి,ఎస్‌ఎంసీ చైర్మన్ బి.పూజ, వైస్ చైర్మన్ ఎం.ఈశ్వరి,విద్యార్థులు, తల్లిదండ్రులు పాల్గొన్నారు.