విద్యతో బంగారు భవిష్యత్తు

బుచ్చిరెడ్డిపాలెం, మేజర్ న్యూస్  :  విద్యతో బంగారు తమ భవిష్యత్తుకు బాటలు వేసుకోవచ్చని మండల విద్యాశాఖాధికారి  వై రామకృష్ణ పేర్కొన్నారు. స్థానిక కోనేటి మిట్టలోని సౌత్ మండల పరిషత్ ప్రాథమిక గిరిజన బాల, బాలికల పాఠశాలలో బుధవారం "సహారా ఎడ్యుకేషనల్ రూరల్ డెవలప్మెంట్ సొసైటీ "వారి సౌజన్యంతో నిర్వహించిన ఉచిత నోటు పుస్తకాలు, పెన్ లు,పెన్సిళ్లు,పలకలు, ఎరేజర్లు,పంపిణీ కార్యక్రమంలో ఆయన ముఖ్య అతిథిగా పాల్గొని మాట్లాడారు. విద్యార్థులు క్రమం తప్పకుండా పాఠశాలకు వచ్చి బాగా చదువుకుని భవిష్యత్తులో మంచి ఉద్యోగాలు పొందాలన్నారు. పేద పిల్లలు చదువుకునేందుకు సొసైటీ వారు చేస్తున్న కృషిని ఆయన అభినందించారు. సొసైటీ అధ్యక్షులు షేక్ ఎస్ధాని బాషా మాట్లాడుతూ నేడు సుమారు వందమంది పేద విద్యార్థులకు విద్యాసామాగ్రి అందించినట్లు, గత కొన్ని సంవత్సరాలుగా తమ సంస్థ ఆధ్వర్యంలో ఇలాంటి కార్యక్రమాలు ఎన్నో చేపట్టినట్లు తెలిపారు. భవిష్యత్తులో కూడా మరెన్నో ఇలాంటి సేవా కార్యక్రమాలు తమ సంస్థ ద్వారా నిర్వహిస్తామన్నారు. పేద విద్యార్థులు ఈ అవకాశాన్ని సద్వినియోగం చేసుకొని బాగా చదువుకోవాలని ఆయన కోరారు. ఈ కార్యక్రమంలో ఉపాధ్యాయులు కె చిన్నయ్య, ఎం షకీల, సిహెచ్ రాజ్యలక్ష్మి పాల్గొన్నారు.