విద్యార్థులలో దాగి ఉన్న కళాత్మక ప్రతిభను వెలికి తీయాలి
బొబ్బిలి, అక్టోబర్ 09: మేజర్ న్యూస్: విద్యార్థుల్లో దాగి ఉన్న కళాత్మక ప్రతిభను వెలికితీసి, వారిలో ఆత్మవిశ్వాసాన్ని పెంపొందించడమే లక్ష్యంగా బొబ్బిలిలోని ఆనందోబ్రహ్మ క్రియేటివ్ డాన్స్ అండ్ యాక్టింగ్ అకాడమీ విశేష కృషి చేస్తోంది. ఈ అకాడమీకి చెందిన విద్యార్థులు , ధర్మశాస్త్ర కోలాటం బృందం తో కలసి శుక్రవారం ఉదయం విశాఖపట్నం, విజయవాడ, శ్రీ శైలం కోలాట ప్రదర్శనలు ఇవ్వడానికి ప్రత్యేకంగా ఏర్పాటు చేసిన బస్సులో బయలుదేరారు. ఈ సందర్భంగా అకాడమీ అధ్యక్షులు విజయ మోహన రావు, మాజీ కౌన్సిలర్ బొబ్బాది తవిటి నాయుడు గొల్లపల్లి దాడితల్లి గుడివద్ద విద్యార్థులకు ఘనంగా వీడ్కోలు పలికి, వారికి శుభాకాంక్షలు తెలియజేశారు.
ఈ సందర్భంగా విజయ మోహన రావు మాట్లాడుతూ, “పిల్లల కు సరైన అవకాశం, ప్రోత్సాహం, మార్గదర్శకత్వం అందిస్తే అద్భుతాలు సృష్టించగలరనీ, కళలు, సాంస్కృతిక కార్యక్రమాలు, సంప్రదాయ ప్రదర్శనలు వల్ల వారిలో క్రమశిక్షణ, ఐకమత్యం, ఆత్మవిశ్వాసం, నాయకత్వ లక్షణాలను పె రుగుతాయన్నారు. తవిటి నాయుడు మాట్లాడుతూ
కోలాటం మన తెలుగు సంస్కృతికి ప్రతీక అని, తరతరాలుగా వస్తున్న ఇటువంటి జానపద కళలను కాపాడుకోవాల్సిన బాధ్యత ప్రతి ఒక్కరిపై ఉందని, ఆ దిశగా కృషి చేస్తున్న ఆనందోబ్రహ్మ అకాడమీ కి అభినందనలు తెలియజేస్తున్నామన్నారు. ఈ కార్యక్రమంలో కోలాటం గురు బొంతల కోటి మధు, అకాడమిక్ కన్వీనర్ టీ కమల్ కుమార్, భవాని , పిల్లల తల్లిదండ్రులు పాల్గొన్నారు.
