విధుల్లో నిర్లక్ష్యం వహించిన కానిస్టేబుల్ వీఆర్ కు బదిలీ

ఖాజీపేట న్యూస్: 

ఖాజీపేట పోలీస్‌స్టేషన్‌లో హెడ్‌ కానిస్టేబుల్‌గా విధులు నిర్వహిస్తున్న రామగోవిందును విధుల పట్ల నిర్లక్ష్యంగా వ్యవహరించిన కారణంగా వీఆర్‌కు పంపినట్లు సీఐ వంశీధర్ తెలిపారు. కడప జిల్లా ఎస్పీ నచికేత్‌ విశ్వనాథ్ ఆదేశాల మేరకు ఈ చర్యలు తీసుకున్నట్లు ఆయన వెల్లడించారు*ఈ సందర్భంగా సీఐ మాట్లాడుతూ.. పోలీస్ శాఖలో బాధ్యతారాహిత్యాన్ని, విధుల పట్ల నిర్లక్ష్యాన్ని ఎంతమాత్రం సహించేది లేదని స్పష్టం చేశారు. సిబ్బంది అందరూ క్రమశిక్షణతో, ప్రజలకు అందుబాటులో ఉంటూ బాధ్యతాయుతంగా పనిచేయాలని, లేనిపక్షంలో కఠిన చర్యలు తప్పవని హెచ్చరించారు