శ్రీశైలం ఘాట్ రోడ్డులో ఘోర రోడ్డు ప్రమాదం.. బైక్ను ఢీకొన్న క్రూజర్ వాహనం, ఇద్దరు మృతి!
సూర్య తెలంగాణ డెస్క్: శ్రీశైలం ఘాట్ రోడ్డులో ఘోర రోడ్డు ప్రమాదం చోటుచేసుకుంది. ఆక్టోపస్ వ్యూ పాయింట్ సమీపంలో వేగంగా దూసుకొచ్చిన క్రూజర్ వాహనం ఎదురుగా వస్తున్న బుల్లెట్ బైక్ను అత్యంత బలయంగా ఢీకొట్టింది. ఈ భీకర ప్రమాదంలో బైక్పై ప్రయాణిస్తున్న ఉత్తరప్రదేశ్కు చెందిన ఇద్దరు వ్యక్తులు తీవ్రంగా గాయపడి అక్కడికక్కడే దుర్మరణం చెందారు. ప్రమాద సమాచారం అందుకున్న వెంటనే స్థానిక పోలీసులు ఘటనా స్థలానికి చేరుకుని సహాయక చర్యలు చేపట్టారు.
ఈ ప్రమాదంలో గాయపడిన మరికొంత మందిని వెంటనే చికిత్స నిమిత్తం అచ్చంపేట ప్రభుత్వ ఆసుపత్రికి తరలించి వైద్యం అందిస్తున్నారు. ఘటనపై కేసు నమోదు చేసుకున్న పోలీసులు దర్యాప్తు ప్రారంభించారు. శ్రీశైలం ఘాట్ రోడ్డులో వాహనాల అతివేగం మరియు నిర్లక్ష్యపు డ్రైవింగ్ కారణంగా తరచూ ప్రమాదాలు జరుగుతున్నాయని, ప్రయాణికులు తగిన జాగ్రత్తలు పాటించాలని అధికారులు హెచ్చరిస్తున్నారు. ప్రాణాలు కోల్పోయిన బాధితుల వివరాలను సేకరించే పనిలో పోలీసులు నిమగ్నమయ్యారు.
