శ్రీశైలంలో తగ్గుతున్న నీటి నిల్వలు

శ్రీశైల జలాశయంలో నీటి నిల్వలు క్రమంగా తగ్గుతున్నాయి. జలాశయం నుండి వివిధ ప్రాజెక్టులకు నీటిని విడుదల చేయటంతోపాటు తెలంగాణ విద్యుత్ కేంద్రంలో విద్యుత్ ఉత్పత్తి చేస్తుండటంతో డ్యామ్ నీటిమట్టం రోజురోజుకు క్రమంగా తగ్గుతోంది. శ్రీశైలం జలాశయం పూర్తిస్థాయి నీటిమట్టం 885 అడుగులు, నీటి నిల్వ సామర్థ్యం 215.8070 టీఎంసీలు. కాగా మంగళవారం మధ్యాహ్నం సమయానికి నీటిమట్టం 857.20 అడుగులుగా, నీటి నిల్వ సామర్థ్యం 97.8234 టీఎంసీలుగా నమోదైంది. భూగర్భ విద్యుత్ కేంద్రంలో విద్యుత్ ఉత్పత్తి చేస్తూ 21,189 క్యూసెక్కుల నీటిని దిగువకు విడుదల చేశారు. అలాగే గడిచిన 24 గంటల వ్యవధిలో శ్రీశైలం బ్యాక్ వాటర్ ద్వారా వివిధ ప్రాజెక్టులకు 26,059 క్యూసెక్కుల నీటిని విడుదల చేశారు.