వినాయక నిమజ్జనానికి నిరంతరాయ విద్యుత్ సరఫరా

 

24 గంటల కంట్రోల్ రూమ్.. వీధుల్లో విద్యుత్ అధికారులు

 

 సూర్య కరీంనగర్ ప్రతినిధి 

 

వినాయక నిమజ్జనోత్సవం సందర్భంగా నిరంతరాయ విద్యుత్ సరఫరాకు ప్రత్యేక చర్యలు చేపట్టినట్లు కరీంనగర్ సర్కిల్ సూపరింటెండెంట్ ఇంజనీర్ ఐరెడ్డి విజేందర్ రెడ్డి తెలిపారు. నిమజ్జన మార్గాలు, కేంద్రాల్లో విద్యుత్ శాఖ అధికారులకు ప్రత్యేక బాధ్యతలు అప్పగించడంతో పాటు, విద్యుత్ లైన్ల కింద విగ్రహాల తరలింపులో ఎలాంటి ఇబ్బందులు లేకుండా ముందస్తు చర్యలు చేపట్టినట్లు పేర్కొన్నారు.నిమజ్జనం సందర్భంగా 23న ఉదయం 7 గంటల నుంచి 24న సాయంత్రం 4 గంటల వరకు 24 గంటల కంట్రోల్ రూమ్ సేవలు అందుబాటులో ఉంటాయని తెలిపారు. విద్యుత్ సమస్యల కోసం 8712488004 లేదా టోల్‌ఫ్రీ 1912కు సమాచారం ఇవ్వాలని సూచించారు. ప్రజలు, నిర్వాహకులు విద్యుత్ భద్రతా నిబంధనలు పాటిస్తూ శాఖ సిబ్బందికి సహకరించాలని కోరారు.