వరిలో పొట్ట దశ వరకు మీరు నిల్వ లేకుండా చూడాలి

నగరం, మేజర్ న్యూస్:
నీటి యాజమాన్యం ద్వారా విత్తనం వేసినప్పటి నుంచి పొట్ట దశ వరకు పొలంలో నీరు నిల్వ లేకుండా బురద మాత్రమే ఉండేలా రైతులు తగిన చర్యలు తీసుకోవాలని రేపల్లె ఇంచార్జ్ సహాయ వ్యవసాయ సంచాలకులు, స్థానిక మండల వ్యవసాయాధికారి వేమూరి రమేష్ బాబు అన్నారు. గురువారం మండల పరిధిలోని పూడివాడలో నిర్వహించిన జిఏపి పొలంబడి కార్యక్రమంలో ఆయన పాల్గొని మాట్లాడుతూ పొలంలో అధికంగా ఉన్న నీరు బయటకు పోయే మార్గం ఏర్పాటు చేసుకోవాలని, అప్పుడే ఆరోగ్యవంతమైన అధిక పిలకలతో కూడిన మొక్కలు పెరుగుతాయన్నారు. వరిలో ఆకు ముడత లేక నాము లేక తెల్ల తెగులు ఆశించిందని, దీని నివారణకు క్లోరిపైరిఫాస్ 20 ఈసీ 2.5 మీ.లీ. లేక 0.3 మి.లీ. లేక క్లోరాంత్రనీప్రోల్ 20 ఈసీ లీటర్ నీటికి కలిపి పిచికారి చేయాలన్నారు. చిరు పొట్ట దశలో కార్ట్ ఆఫ్ హైడ్రా క్లోరైడ్ 50 ఎస్పి 2 గ్రా. లేదా ఎస్ పెట్ 75 ఎస్పి 1.5 గ్రా.  లేదా క్లోరాంత్రనీప్రోల్ 18.5 ఎస్పి మందును లీటరు నీటితో కలిపి పిచికారి చేసి పురుగులను నివారించుకోవచ్చు అన్నారు. తొలుత క్షేత్ర సందర్శన చేశారు. కార్యక్రమంలో వ్యవసాయ విస్తరణ అధికారులు కె. నాగ శ్రీనివాసరావు, కె. వంశీకృష్ణ, గ్రామ వ్యవసాయ సహాయకులు కె. భూదేవి, రైతులు పాల్గొన్నారు