రెండో రోజు 36 నామినేషన్లు దాఖలు

ఉండి, మేజర్ న్యూస్:ఉండి మండల పరిషత్ కార్యాలయంలో రెండో రోజు గురువారం పరిషత్ ఎన్నికలకు సంబంధించి 36 మంది ఎంపీటీసీ అభ్యర్థులు నామినేషన్లు దాఖలు అయినట్లు రిటర్నింగ్ అధికారి సంకు మురళీకృష్ణ తెలిపారు. టిడిపి నుంచి 19 నామినేషన్లు, జనసేన పార్టీ నుంచి ఎనిమిది నామినేషన్లు, వైసిపి నుంచి 8 నామినేషన్లు రాగా ఇండిపెండెంట్ అభ్యర్థి ఒకరు నామినేషన్ దాఖలు చేశారన్నారు. ఇదిలా ఉండగా నామినేషన్లను పరిశీలించే అధికారులు సక్రమంగా పరిశీలించకపోవడంతో రిటర్నింగ్ అధికారి మురళీకృష్ణ అధికారుల పనితీరుపై అసహనం వ్యక్తం చేశారు. నామినేషన్ పత్రాలను సక్రమంగా పరిశీలించాల్సిందిగా తిరిగి వెనక్కి పంపించడంతో అభ్యర్థులు ఇబ్బందితోపాటు గందరగోళం ఏర్పడింది. నామినేషన్ దాఖలు చేయడానికి చాలా సమయం పడుతుందని కొంతమంది అభ్యర్థులు మరి ముఖ్యంగా మహిళలు అసహనం వ్యక్తం చేశారు.