ఘనంగా కొమరం భీమ్ జయంతి వేడుకలు

గోకవరం, మేజర్ న్యూస్ :తూర్పుగోదావరి జిల్లా జగ్గంపేట నియోజకవర్గం గోకవరం తంటికొండ రోడ్డులోని సీఎండీ కార్యాలయం వద్ద విశ్వహిందూ ధర్మపరిరక్షణ రామసేన అధ్యక్షులు, బీజేపీ రాష్ట్ర కార్యవర్గ సభ్యులు,  జగ్గంపేట నియోజకవర్గం బీఎల్ఏ-1 కంబాల శ్రీనివాసరావు ఆధ్వర్యంలో ఆదివాసీల హక్కుల కోసం పోరాడిన వీరయోధుడు కొమరం భీమ్ జయంతి వేడుకలు గురువారం ఘనంగా నిర్వహించారు. కొమరం భీమ్ చిత్రపటానికి కంబాల శ్రీనివాసరావు బీజేపీ నాయకులు, కార్యకర్తలు పూలమాలలు వేసి నివాళులర్పించారు. ఈ సందర్బంగా కంబాల శ్రీనివాసరావు మాట్లాడుతూ జల్‌–జంగల్‌–జమీన్‌ నినాదంతో ఆదివాసీల హక్కుల సాధన కోసం తన జీవితాన్ని అంకితం చేసిన విప్లవ వీరుడు, గిరిజన పోరాట యోధుడు కొమరం భీమ్ అన్నారు. నిజాం పాలనలో గిరిజనులు ఎదుర్కొన్న అన్యాయాలు, అణచివేతలకు వ్యతిరేకంగా పోరాడిన కొమరం భీమ్‌ జీవితం నేటి తరానికి స్ఫూర్తిదాయకమని కొనియాడారు. ఈ కార్యక్రమంలో రామసేన సభ్యులు, బీజేపీ నాయకులు, కార్యకర్తలు, సిబ్బంది పాల్గొన్నారు.