BREAKING
జిల్లావ్యాప్తంగా పోలీసుల విస్తృత నాకాబందీ తనిఖీలు.. నిబంధనలు ఉల్లంఘించిన వారిపై చర్యలు : ఎస్పీ స్నేహ మెహ్ర పరిటాల శ్రీరామ్ శుభాకాంక్షలు తెలియజేసిన మాజీ ఎంపీపీ లక్ష్మీనారాయణ. సర్పంచ్ అభ్యర్థులతో సమావేశం నిర్వహించనున్న ఎమ్మెల్యే. అమిత్ షాకు దమ్ముంటే ఓవైసీపై పోటీ చేయాలి వరికుంటలో మంచూరు మాస్టర్ ప్లాన్.. వైసీపీకి భారీ షాక్ నేడు కొల్లాపూర్‌కు తీన్మార్ మల్లన్న రాక జల్ పల్లి జగన్ మృతి ఘటనకు (టఆర్ జి) హాస్పత్రిపై ప్రత్యేక విచారణ కళ్యాణదుర్గంలో కుదరని సయోధ్య.. మళ్లీ వాయిదా పడ్డ ఎంపీపీ ఎన్నికలు. బీసీ సీటులో ఓసిని ఎలా కూర్చోబెట్టారు నేపాల్‌పై ఇండియా-ఎ చారిత్రక విజయం.. 306 పరుగుల భారీ తేడాతో గెలుపు! న్యూజిలాండ్ గడ్డపై కేఎల్ రాహుల్ శతకం.. భారత్ పటిష్ట పోరాటం! ప్రజాసేవే లక్ష్యంగా.. హనుమంతునిపాడు అభివృద్ధికి కృషి చేస్తా ఉచిత శిక్షణకు దరఖాస్తుల ఆహ్వానం -బిసి అభ్యర్థులకు 25 వరకు చివరి అవకాశం కొత్తకోట కూటమి సర్పంచ్ అభ్యర్థి పాకలపాటి సునీత నేటి నుంచి గ్రామపంచాయతీ ఎన్నికలకు నామినేషన్ల స్వీకరణ ఎంపీడీవో చంద్రశేఖర్

వరికుంటలో మంచూరు మాస్టర్ ప్లాన్.. వైసీపీకి భారీ షాక్

Select Suryaa Now
వరికుంటలో మంచూరు మాస్టర్ ప్లాన్.. వైసీపీకి భారీ షాక్

సర్పంచ్ ఎన్నికల వేళ కీలక పరిణామం..

వైసీపీకి గుడ్‌బై చెప్పి టీడీపీలో చేరిన ఇరగంరెడ్డి భాస్కర్ రెడ్డి

నామినేషన్ల ఉపసంహరణకు ఒక్కరోజు ముందు చేరిక.. అట్లూరు మండల రాజకీయాల్లో ఆసక్తికర చర్చ

అట్లూరు, మేజర్ న్యూస్:

కడప జిల్లా అట్లూరు మండలంలోని వరికుంట పంచాయతీ రాజకీయాల్లో అనూహ్య పరిణామం చోటుచేసుకుంది. సర్పంచ్ ఎన్నికల వేళ వైఎస్సార్ కాంగ్రెస్ పార్టీకి గట్టి ఎదురుదెబ్బ తగిలింది. వరికుంటకు చెందిన వైసీపీ నాయకుడు, ఎన్‌ఆర్‌ఐ నేత ఇరగంరెడ్డి భాస్కర్ రెడ్డి తన అనుచరులు, మద్దతుదారులతో కలిసి తెలుగుదేశం పార్టీలో చేరడం స్థానిక రాజకీయాల్లో తీవ్ర చర్చనీయాంశంగా మారింది. బద్వేల్ నియోజకవర్గ టీడీపీ ఇన్‌చార్జ్, కడప డీసీసీ బ్యాంక్ చైర్మన్ మంచూరు సూర్యనారాయణ రెడ్డి సమక్షంలో శుక్రవారం బద్వేల్‌లోని తెలుగుదేశం పార్టీ కార్యాలయంలో ఆయన పార్టీ కండువా కప్పుకున్నారు.

సర్పంచ్ ఎన్నికల వేళ కీలక మలుపు

ప్రస్తుతం జరుగుతున్న గ్రామపంచాయతీ సర్పంచ్ ఎన్నికల్లో వరికుంట సర్పంచ్ స్థానం అన్‌రిజర్వుడ్ ఉమెన్‌కు కేటాయించడంతో ఇరగం రెడ్డి భాస్కర్ రెడ్డి తన సతీమణిని సర్పంచ్ అభ్యర్థిగా బరిలోకి దించారు. ఎన్నికల ప్రక్రియ కీలక దశకు చేరుకున్న సమయంలో, నామినేషన్ల ఉపసంహరణకు గడువు ముగియడానికి ఒక్కరోజు ముందు ఆయన వైసీపీని వీడి టీడీపీలో చేరడం రాజకీయంగా ప్రాధాన్యత సంతరించుకుంది. ఈ పరిణామం వరికుంట పంచాయతీలో ఎన్నికల సమీకరణాలపై ఎలాంటి ప్రభావం చూపనుందన్న ఆసక్తి రాజకీయ వర్గాల్లో నెలకొంది.

మంచూరు వ్యూహానికి తెర వెనుక కీలక నేతల కృషి

ఇరగం రెడ్డి భాస్కర్ రెడ్డిని టీడీపీలోకి తీసుకురావడంలో మంచూరు సూర్యనారాయణ రెడ్డి రాజకీయ వ్యూహం కీలకంగా నిలిచిందనే చర్చ అట్లూరు మండల రాజకీయ వర్గాల్లో వినిపిస్తోంది. ఆయన ఆదేశాల మేరకు అట్లూరు మండల రాజకీయాల్లో సుదీర్ఘ అనుభవం కలిగిన సీనియర్ నాయకులు ముడమాల ప్రభాకర్ రెడ్డి, అరవ శ్రీనివాసుల రెడ్డి, కొత్తపు మునిరెడ్డి లు కీలక పాత్ర పోషించినట్లు పార్టీ వర్గాల్లో చర్చ జరుగుతోంది. ఈ ముగ్గురి సమన్వయంతో వరికుంటలో రాజకీయంగా కీలక పరిణామానికి మార్గం సుగమమైనట్లు తెలుస్తోంది.

వరికుంటలో మారనున్న రాజకీయ సమీకరణాలు

ఇప్పటికే సర్పంచ్ ఎన్నికల వేడి రాజుకున్న తరుణంలో ఇరగం రెడ్డి భాస్కర్ రెడ్డి తన అనుచరులు, మద్దతుదారులతో కలిసి టీడీపీలో చేరడం అట్లూరు మండల రాజకీయాల్లో ప్రత్యేక ప్రాధాన్యతను సంతరించుకుంది. నామినేషన్ల ఉపసంహరణకు గడువు సమీపిస్తున్న సమయంలో చోటుచేసుకున్న ఈ చేరికతో వరికుంటలో రాజకీయ సమీకరణాలు మరింత ఆసక్తికరంగా మారాయి. ఈ పరిణామం ఎన్నికల్లో ఏ పార్టీకి ఎంతవరకు లాభం చేకూరుస్తుందో, ఓటర్ల మద్దతు ఎటువైపు ఉంటుందో వేచి చూడాల్సిందే.
మొత్తంగా చూస్తే సర్పంచ్ ఎన్నికల వేళ వరికుంటలో చోటుచేసుకున్న ఈ రాజకీయ పరిణామం మంచూరు సూర్యనారాయణ రెడ్డి నాయకత్వంలో అట్లూరు మండల టీడీపీ రాజకీయాలకు కొత్త ఊపునిస్తోందన్న  చర్చ స్థానిక రాజకీయ వర్గాల్లో జోరుగా సాగుతోంది. అనంతరం ఇరగంరెడ్డి భాస్కర్ రెడ్డి ఆధ్వర్యంలో ఇరగంరెడ్డి బాలరెడ్డి, పాటూరు శివరాం రెడ్డి, పల్లె కృష్ణారెడ్డి, బుర్రి గోపికృష్ణ, గొర్ల రాజయ్య, గొర్ల ఎరుకులయ్య, రామ్ హరి ప్రసాద్, గొర్ల మురళి, గొర్ల వేణుగోపాల్, ఇరగం రెడ్డి ఓబుల్ రెడ్డి, వరికుంట గోపాల్, వరికుంట సుబ్బరాయుడు, వరికుంట కృష్ణ, వరికుంట నాగమణి తదితరులు పార్టీలో చేరారు.

సూర్య రిపోర్టర్: ఎ.తిరుపాల్, అట్లూరు, కడప జిల్లా