వరద ప్రభావిత గ్రామంలో పోలీసు, రెవెన్యూ అధికారుల పర్యటన

పాతపట్నం అక్టోబర్ 29, మేజర్ న్యూస్:పాతపట్నం మండలంలో కాపు గోపాలపురంలో వరద నీటిలో పాక్షికంగా మునిగిన 13 ఇళ్లు – 50 మందికి ఆహారం, భద్రతా ఏర్పాట్లు
పాతపట్నం మండలంలోని కాపు గోపాలపురం గ్రామాన్ని గురువారం టెక్కలి సబ్‌ డివిజన్ డీఎస్పీ డి .లక్ష్మణరావు, సీఐ కిల్లి వెంకటరావు,
పాతపట్నం ఎస్‌ఐ కే మధుసూదనరావు తో కలిసి పాతపట్నం సర్కిల్ ఇన్‌స్పెక్టర్ ఆఫ్ పోలీస్ సందర్శించి వరద పరిస్థితిని పరిశీలించారు.
గ్రామంలో వరద నీరు చేరడంతో 13 ఇళ్లు పాక్షికంగా నీట మునిగాయి. ఆయా ఇళ్లలో నివసిస్తున్న మొత్తం 50 మంది ప్రజలను ముందస్తు జాగ్రత్త చర్యల్లో భాగంగా పాతపట్నం సేఫ్ హౌస్‌కు తరలించాలని అధికారులు సూచించారు. అయితే, తాము సమీప ప్రాంతాల్లోని బంధువుల ఇళ్లలో ఉండేందుకు ఇష్టపడుతున్నట్లు బాధితులు అధికారులకు తెలిపారు.