వైఎస్ఆర్ సీపీలో చేరిన టీడీపీ నాయకుడు

తూర్పుగోదావరి జిల్లారాజానగరం, మేజర్ న్యూస్:రాజానగరం మండలం రామస్వామిపేట గ్రామానికి చెందిన టీడీపీ మాజీ గ్రామ కమిటీ అధ్యక్షుడు బలిరెడ్డి కనకరాజు ఆదివారం వైఎస్ఆర్ కాంగ్రెస్ పార్టీలో చేరారు.మాజీ ఎమ్మెల్యే, వైఎస్ఆర్ కాంగ్రెస్ పార్టీ యువజన విభాగం రాష్ట్ర అధ్యక్షుడు జక్కంపూడి రాజా ఆయనకు పార్టీ కండువా కప్పి సాదరంగా పార్టీలోకి ఆహ్వానించారు. ఈ సందర్భంగా రాజా మాట్లాడుతూ.. డిసెంబర్ 2వ తేదీన జరగనున్న పంచాయతీ ఎన్నికల్లో వైఎస్ఆర్ సీపీ బలపరిచిన అభ్యర్థుల విజయానికి కృషి చేయాలని సూచించారు. పార్టీ నాయకులు, కార్యకర్తలంతా పరస్పర సమన్వయంతో సమిష్టిగా పనిచేస్తూ ఎన్నికల్లో చురుగ్గా పాల్గొనాలని పిలుపునిచ్చారు. వైఎస్ఆర్సిపి గ్రామ కమిటీ అధ్యక్షుడు దాసరి అప్పన్న, నాయకులు బలిరెడ్డి అశోక రాజు, తామర్ల బుజ్జి, బలిరెడ్డి సత్యనారాయణ, పలువురు నాయకులు కార్యకర్తలు పాల్గొన్నారు.