వైద్యం వికటించి బాలిక మృతి?

బుట్టాయిగూడెం సూర్య న్యూస్: ఆర్.ఎం.పి  వైద్యం వికటించి  ఏడేళ్ల బాలిక  మృతి చెందినట్లు స్థానికుల నుండి ఆరోపణలు వచ్చాయి. వివరాలు ప్రకారం పేరంటాలపల్లి గ్రామస్తుల  పోలవరం నిర్వాసితులకు బుట్టాయిగూడెం మండలంలోని   రామన్నగూడెం గ్రామంలో ఆర్ అండ్ ఆర్  కాలనీ లు నిర్మించారు. గత కొంతకాలం నుండి ఇక్కడే నివాసం ఉంటున్నట్లు చెప్పారు.  గ్రామానికి చెందిన బాలిక తల్లిదండ్రులు  ఇటీవల  తమ స్వగ్రామమైన  పేరంటాలపల్లి వెళ్లినట్లు చెప్పారు. అక్కడ ఉండగానే బాలికకు జ్వరం కామెర్లు ఉన్నట్లు ఆరోదించారు. జ్వరంతోనే  అక్కడనుండి రామన్నగూడెం వచ్చినట్లు తెలిపారు. జ్వరం ఎక్కువగా రావడంతో రామన్నగూడెం పిహెచ్సి కి తీసుకువెళ్లగా బుట్టాయిగూడెం క్లస్టర్ ఆసుపత్రికి  రిఫర్ చేసినట్లు చెప్పారు. స్థానికంగా ఉన్న ఆర్ఎంపీ డాక్టర్ దగ్గరికి తీసుకువెళ్లగా మూడు రోజులు కోర్సు పెట్టాలని చెప్పి    ఇంజక్షన్ చేసినట్లు చెప్పారు. ఇంజక్షన్ చేసిన వెంటనే వైద్యం వికటించి మృతి  చెందినట్లు స్థానికులు  ఆరోపించారు. ఇది జరిగి రెండు రోజులు కాగా ఆలస్యంగా వెలుగులోకి వచ్చింది. ఈ విషయంపై అధికారులు  విచారణ చేపట్టనున్నట్లు తెలిసింది. విచారణలో వాస్తవం తెలియవలసి ఉంది.

 రిపోర్టర్: కట్ట మధు బుట్టాయిగూడెం ఏలూరు జిల్లా