టిడిపి రాష్ట్ర అధ్యక్షుడితో పి.సురేంద్ర యాదవ్ భేటీ : జడ్పీ వైస్ చైర్మనుగా అవకాశం కల్పించాలని విజ్ఞప్తి

మదనపల్లె రూరల్,మేజర్ న్యూస్ : అన్నమయ్య జిల్లా పరిషత్ వైస్ చైర్మన్ పదవికి తనకు అవకాశం కల్పించాలని కోరుతూ కురబలకోట జడ్పీటీసీ పి.సురేంద్ర యాదవ్ టీడీపీ రాష్ట్ర అధ్యక్షుడు పల్లా శ్రీనివాసరావును కోరారు.శనివారం మంగళగిరిలోని టిడిపి కేంద్ర కార్యాలయంలో ఆయనను మర్యాదపూర్వకంగా కలిశారు.ఇందులో భాగంగా శాలువాతో టిడిపి రాష్ట్ర అధ్యక్షుడిని ఘనంగా సన్మానించారు.అన్నమయ్ జిల్లా పరిషత్ వైస్ చైర్మన్ పదవికి తన అభ్యర్థిత్వాన్ని పరిశీలించి అవకాశం కల్పించాలని ఆయన రాష్ట్ర అధ్యక్షుడికి విజ్ఞప్తి చేశారు.దీనిపై పల్లా శ్రీనివాసరావు సానుకూలంగా స్పందించి హామీ ఇచ్చినట్లు పి.సురేంద్ర యాదవ్ తెలిపారు.తన విజ్ఞప్తికి సానుకూలంగా స్పందించిన టీడీపీ రాష్ట్ర అధ్యక్షుడు పల్లా శ్రీనివాసరావుకు పి.సురేంద్ర యాదవ్ హృదయపూర్వక కృతజ్ఞతలు తెలిపారు.

రిపోర్టర్ : కే.ఈశ్వర్ రెడ్డి,మదనపల్లి నియోజకవర్గం ఇంచార్జి